啱啱介紹完Amari Maldives 而家就寫返前年去過既gangehi island先 去呢個島需要係male再搭25分鐘水機先到，都算幾近 其實第一次去馬代既都建議坐下水機，因為真係幾特別既體驗 依家想上水機啦 呢度啲機師全部着拖鞋嘅同埋會幫手搬行李XD 入到去簡直係坐緊熱狗巴禁，準備起飛嘅時候先會開冷氣 起飛啦，周圍既風景好靚，見到一個個小島 去gangehi之前停左一個站，水機就好似巴士咁 終於黎到gangehi啦，水機會停泊係浮台到再坐船去碼頭 一上碼頭就有職員送上冰涼毛巾，舒服哂 圖中就係我地黎緊6晚要住既水屋啦 係酒店最大既房型 deluxe overwater bungalow 本來我地只係book overwater bungalow，好好彩俾酒店upgrade 左 delexe 水屋好大好靚 ，設計夠晒心思，外面有個位可直入浴室，落完水唔怕冷氣吹親 露台亦有可遮觸地方，中午係外面hea都唔會太熱 浴室有雙洗手盤，不過只係得shower無得浸浴啦 呢到就係島上主要既餐廳同bar 啦 我地今次選了只係包早餐，呢幾日既早餐都係到食啦 lunch我地都經常黎呢到食，價錢都好合理 呢到都有唔同桌上遊戲俾你借黎玩，晚上亦有movie night 酒店另外一個bar 呢到日日都會做happy hour 買一送一，仲有小食送，十分抵 加上可以睇到日落，所以好受歡迎要早d黎霸位啦 坐係網床上飲住酒睇日落好正架 過左happy hour之後就開始供應晚餐 另外我地都參加左一個自費項目就係追蹤海豚。 兩個人只需70usd， 呢個價錢包埋追跡海豚仲有20分鐘嘅出海浮潛，超抵啦 出海時會有係島既marine biologist講解下海豚架 提提大家要準備定暈浪丸因為都幾浪下 另外gangehi呢度啲沙比較幼細，四周圍都會有寄居蟹出沒XD 仲有reef shark, 魔鬼魚同好多魚魚添 係島上隨便影下都已經勁靚 總結 呢個島雖則沒有大集團之奢華，亦好細只有50多間房，基本上行5分鐘就可以行晒成個島一圈 但係細有細好，感覺非常寧靜同浪漫，其實黎馬代就係要呢種遠離塵囂感覺，感受下大自然既美 個人認為非常適合honeymoon既朋友 唯一問題係嘢食麻麻，早餐buffet 每日款式幾乎一樣
