2016生日馬爾代夫之旅 今次選擇amari原因係佢好新，2016年開業，同埋之前官網有買一送一優惠仲要係full board，價錢吸引就揀咗呢間 馬代酒店係有分breakfast only (只包早餐) half board (只包早晚餐）full board （早午晚不包酒精飲品 )仲有all inclusive (全包) 加上之前介紹既斯航優惠就促成此次行程 好啦，一出閘要揾返amari 個counter check in 之後個程內陸機 現場有唔小酒店counter，其他唔係amari既職員都好熱心，主動問我地邊間酒店之後就指我地去amari 個counter amari 個counter 係54號，唔知係唔係暫時性啦，不過呢到d人都好熱心問下路就ok 架啦 職員對一對名就帶我地去domestic terminal 個lounge，可睇返 lounge review - moonimaa lounge 成個check in過程基本上個職員會幫你搞好，你只需係lounge到等上機就ok 等左2個鐘到，會有人提你去boarding 55分鐘既機程就到啦 係機場已一早有amari職員準備，確認好行李就行去碼頭上快艇 再搭15分鐘船終於到amari 可惜今日陰天，d 相都影得麻麻 check in時有杯welcome drink 呢張就係amari 個map 啦 水屋分別有101-157, 158-177，而當中119,120係overwater pool villa 小編今次就住135，個人建議最好係住121-129 因為最近浮潛點，一游出去就有好多珊瑚，其他就要自己游遠小小啦 158-177都唔太好因為離餐廳太遠啦，餐廳位置係 j 而家就去我地既水屋睇睇啦 另外amari 每日會提供2支1.5l 既水，好足夠啦 再睇睇浴室 有2個洗手盤唔洗爭 另外無影到背面仲有個露天既shower 露台有大圓沙灘椅，不過平時好曬唔會坐得耐，如果有遮陰會好好多 仲有網床，夜晚訓係到睇星唔錯架 呢到就係主餐廳，一日三餐都係呢到解決，三餐都係buffet形式 早餐由7-10，午餐由12-2，晚餐由7-10 基本上你會覺得時間過得好快，食完一餐好快又食第二餐 不過呢到d野食唔錯，每日都會轉下款，住幾日都唔會悶 晚餐可自費加料食海鮮 圖中手掌咁大既蝦就100一隻，價錢都合理， 基本都係得一種煮法就係bbq 晚餐仲有好多選擇，即煮湯面都有 係無生蠔刺身個d，如果唔係同香港酒店buffet根本無分別 甜品每日都有好多款，都幾精緻同好味 早餐亦都好豐富，同泰國d酒店差不多 中式炒粉面飯，西式，煎蛋咩都有，仲有燒賣添 周圍行下睇下amari d 設施 唔小得既有spa啦，價錢上返官網有得睇 仲有兩間商店仔，一間賣手飾既一間就賣普通日用品 仲有個gym 不過都無咩人用 主餐廳側邊就係泳池同bar 夜晚個bar會有live聽，不過唔係日日有 呢到仲有shisha食，價錢只需12usd，開支最平既酒都係30usd，呢個價錢仲平過香港 夜晚食住shisha飲下酒聽下歌幾寫意架 下圖係一間要另外再俾錢食既餐廳，食爐端燒既 有個小型圖書館同多功能運動場 位於水屋附近有個水上活動中心 有唔同自費活動俾你選 我地就玩左discover scuba diving，不過天氣唔好唔太靚 呢到有識講普通話既instructor住場，英文唔太好既溝通無需擔心 呢d就係我地之後係水屋游出去浮潛影既， 可以見到好多珊瑚，好天影得都靚d 除非係深潛開租船出海潛，給果唔係我建議係水屋對出浮潛已經好靚啦 黎到馬代緊係要影靚相 住左2晚第3日終於好天，仲唔影多d靚相咩 可以睇到同第一日差勁遠 而家d水好清，真係椰林樹影水清沙幼 所以唔可以留係個島太小日數，住得太小日數又撞正唔好天就體驗唔到馬代既靚架啦 個人認為5-6晚就岩岩好啦 今次係慶生之旅，沒有通知酒店下，酒店都有幫我地佈置下 夜晚仲留左枱俾我地，食到咁上下d員工會出黎唱生日歌同有蛋糕食 同友善既員工合照 快樂既時光過得快 日日訓下食下hea下好快就要走 離島之前個晚職員會放封信係你villa到 信入面會講聽日幾點會有人係房門口pick up行李，搭幾點船、內陸機等等 總結 有promotion時價錢合理，食物唔錯，珊瑚數量亦ok 不過要留意呢間係family friendly既resort，亦都有好多同胞去，非常熱鬧lol 小編慶生熱鬧下無咩所謂，但如果蜜月既就建議去其他島啦
