如果有人說中國無可能有美酒，那他/她就大錯特錯了。 剛剛在2016亞洲葡萄酒指南獲得最高殊榮的銀色高地闕歌千紅(The Summit)2013 就係由中國生產。生長於海拔1200米,葡萄因為充足陽光同埋有一定深度嘅泥土而有充分嘅養分。就連當地(中國寧夏自治區銀川市)人原本都唔知自己一直生於福地而冇好好利用，直至高源(Emma Gao)發掘及開始了和家人在銀川種植葡萄去釀酒。 係開始在家鄉種植和釀出高質素中國美酒之前，高源特意遠赴法國波爾多大學專修葡萄酒更遊歷世界各地。除了在大學吸收豐富的專業知識，在法國有名氣嘅卡隆塞居堡(Château Calon-Ségur)等實習。呢d都令銀色高地嘅葡萄酒融合了法國的釀酒技術，有着舊世界嘅風格，進一步令高源成功。 高源更堅持著重質素多於產量，所以一直都由妺妺、老公(前Château Calon-Ségur的釀酒師)和她自己一手辛苦經營葡園同釀酒。咁珍貴嘅家族葡萄酒係應該被世界各地嘅愛酒之人好好欣賞。 以下係三款銀色高地葡萄酒與港式小食之間嘅配對: 1. 闕歌千紅(The Summit) 2013, 中國 + 雞批 Eddie McDougall品味小貼士: 由65%赤霞珠(Cabernet Sauvignon)同35%梅洛(Merlot)一齊釀成嘅闕歌千紅有着複雜多層的氣味，就好似醃肉，黑色漿果，烤過的香料,同埋橡木等嘅味道。豐富而集中的成熟果味同單寧令酒留下長而順滑嘅結束。闕歌千紅同雞批點解咁岩一齊食係因為呢一種酒入面多層而複雜嘅香味同單寧較高嘅香味可以平衡返忌廉同火腿嘅油膩感。 2. 家族珍藏千紅 2013, 中國 + 蒸牛肉球 Eddie McDougall品味小貼士: 同樣亦係Cabernet Sauvignon(80%)同Merlot(20%), 不過今次Cabernet Sauvignon嘅比重就多少少。比較起來，家族珍藏千紅亦少左黑色漿果嘅味道。反而多左朱古力咖啡，茶葉，靑椒同紅色漿果嘅香味。牛肉球之所以可以襯到呢隻家族珍藏千紅係因為紅肉係佢嘅絕配，而且可以平衡返喼汁嘅酸甜微辣。 3. 家族珍藏霞多麗干白葡萄酒 2014, 中國 + 春卷 Eddie McDougall品味小貼士: 同樣係家族珍藏，呢一款係由霞多麗 (Chardonnay) 釀成嘅白酒。飲落去酸味同單寧唔太重，但比起好多酒都更加有層次。同春卷可以組成一個好配搭係因為家族珍藏霞多麗白酒會更突出當食物嘅味道唔太複習。仲有，如果你本身都唔太喜歡油膩食物，你一定會愛上飲返呢隻Chardonnay可以令你有清新舒服嘅感覺。 酒，唔一定係法國、意大利先好。中國嘅銀色高地都好值得一試。 香港亦有The Flying Winemaker獨家有售銀色高地嘅酒，仲等?快d約定朋友，買定野食去配你想試嘅配搭啦!
