唔知近期各位sis有無覺得天氣涼返d呢？ 我最愛既秋天又黎啦！！（心心眼） 除左衫要開始換季之外 個妝都要換一換季啦！！ 今次就收到SHISEIDO MAQuillAGE既秋冬彩妝系列～ 呢次既系列就會有： MAQuillAGE Essence Gel Rouge 豐盈精華液質唇膏 MAQuillAGE Smooth & Stay Lip Liner N 柔滑持久唇筆 MAQuillAGE Dramatic Mood Eyes PK717 限量版絕色魅瞳眼影 MAQuillAGE Perfect Multi Base BB 無瑕水潤粧前底霜 不得不提今次既系列包裝好靚好高貴！！！！（心心眼） 首先由Base講起先啦～ 呢隻base搽上手都好易推 而且好matte 唔會好油 搽上面d base都唔會起紋 因為裡面有雙重油光調控複合物，有效修飾粗大毛孔及改善膚色， 令個妝可以貼薄自然 而且亦可以令面部輪廓較重點提亮及加強陰影， 可以令個妝更3D立體架！ 之後就係eye shadow啦～ 平時我自己都係用Earth Tone多 呢隻粉紅加earth tone既eye shadow就岩哂我用啦～（笑） ① 首先用亮眼底霜塗滿全眼瞼，打亮成個眼蓋令d色素無咁西利 ② 之後再用繽紛色調眼影（粉紅色）係眼窩位置重複塗抹 ③ 用自然色調眼影（深棕色）搽係眼窩貼近眼皮摺位既一半，記得要將佢blend開呀！ ④ 最後用眼線gel畫條soft 既eyeline sis如果鍾意既話都可以用liquid eyeliner畫返條黑眼線，令眼神更深邃～ 呢隻tone好sweet又有少女味 好岩襯秋冬衫 返工約會都好岩～（笑） MAQuillAGE既唇部product不嬲都好出名，所以我都有d期待佢地今次既lip product~ 平時返工都會見到d crew既唇妝都long lasting 由上機紅到落機 於是有次就問佢地有咩方法可以keep到咁long lasting 原來佢地平時都有用開唇筆既習慣！ MAQuillAGE Smooth & Stay Lip Liner N 柔滑持久唇筆 既RS362色都好自然 先用唇筆勾劃及修飾唇形 再用另一頭既唇掃blend開個唇線 塑造立體線條 同埋唇膏會無咁易滲色架！ 或者可以用唇筆填滿雙唇，再搽Essence Gel Rouge， 令個唇妝更持久～ 終於黎到萬眾期待既 Essence Gel Rouge啦！ 首先搽上手個顯色度係十分高既！！而且都好潤 而且掃頭都好柔軟好好刷～ 全新既Essence Gel Rouge豐盈精華液質唇膏系列 結合左3種不同精華油分: 亮澤既表層油分、緊貼既滋潤油分同埋天然玫瑰精油 而且啫喱狀質地蘊含3D 記憶膜，配合水潤啫喱質地，揉合補濕修護成分， 可以有效修飾乾燥唇紋 岩哂唇紋多而乾燥既sis!! 而且仲有成10隻色，任你點襯都得 搽上咀之後個豐唇效果真係幾明題 同埋顯色度真係無得彈！！（心心眼） 同埋個色澤都好自然～ 俾多少少Tips大家～ 如果想豐唇效果明顯既話 可以於搽完後抿合雙唇，令3種精華油份釋放並形成三層3D記憶膜， 就可以令你有Angelina Jolie既豐盈雙唇架啦～ For唇紋多既sis 都可以係搽唇膏前先磨砂 都會令唇妝效果更突出架！ 今個秋冬都會繼續興Red Tone 所以sis可以盡情畫紅個咀！ 各位sis都可以係秋冬化個靚妝 哄身邊人開心之餘都可以哄下自己開心！（心心） ----------------------------------------------------------------------------------- 歡迎邀稿，試用及合作 Email: flying.trapeze28@gmail.com theztyle: http://flyingtrapeze.theztyle.com beauty exchange: http://www.beautyexchange.com.hk/blog/%E7%A9%BA%E4%B8%AD%E9%9D%9E%E4%BA%BA UBlog: https://blog.ulifestyle.com.hk/blogger/flyingtrapeze/ BeautyExp: http://www.beautyexp.com/articles/author/flying-trapeze28gmail-com/ 歡迎你地follow我既ig: flying.trapeze28
