每次同男朋友kiss既時候 最怕就係驚佢話個嘴油淋淋又有一陣唇膏味 （哭） 但係女仔個嘴又唔可以無顏色!! 究竟點先可以解決呢個難題呢？？？ 今次多得Revlon 新推出既Ultra HD Matte Lipcolor高清原色啞緻唇膏液幫我解決呢個煩惱～ 呢款系列既唇膏液有8隻顏色 每隻色都夠哂易襯有style 今次就試用左HD Devotion同HD Addiction兩隻色～ 由於採用左Ultra HD 極限絕色科技 所以試上手顯色度非常高！ 適逢前幾日飛左去瑞士要係咁影相 就等我試下佢啦！ 第一日我試用左HD Devotion 當日要上雪山 就試下佢既持久度同顯色度啦！ 早上8點鐘搽一搽 係我最愛既Baby Pink喔～ 而質感係我鍾意既輕盈而唔係厚重又油淋淋！！！（驚喜） 睇返先知原來採用左獨有既100% 無蠟啫喱技術 會比一般唇膏輕盈^^ 到左大概下午2點先需要再補一次 對我呢種經常講野又食野既人黎講 持久度完全滿意！ 經歷左雪山又凍又乾既天氣 正常唇色已經甩得七七八八 但係當晚8點多返到酒店 唇色仲牢牢咁癡實我個嘴～ 再試埋HD Addiction 效果一樣無令人失望～ 令本身唇色唔算突出既我 當堂醒神哂！（笑） 呢隻HD Addiction我試過用黎返工 效果夠哂紅！ 派完餐返黎通常已經甩哂色 但Revlon呢隻keep得到 不過上機難免會有點乾 可以用無色潤唇膏打底或者top up～ 而且呢隻唇膏液夠哂小巧 擺落handbag 一d都唔佔地方 (正！） 黎到最最最重點既環節 究竟呢隻唇膏液會唔會有男朋友都唔鍾意既唇膏味呢？？？ 大家可以放心 呢款唇膏液有淡淡既雲呢拿同芒果忌廉香味 同男朋友kiss個陣就唔怕佢投訴啦！（笑） Revlon高清原色啞緻唇膏液能夠令原本蒼白既唇色有返顏色又唔油 成個人精神哂之餘 仲要男朋友都滿意 絕對值得收藏係化妝袋裡面！ ＊ 是次產品由theZtyle.com提供，上述全屬個人感受 ♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥ 歡迎邀稿，試用及合作 Email: flying.trapeze28@gmail.com theztyle: http://flyingtrapeze.theztyle.com beauty exchange: http://www.beautyexchange.com.hk/blog/%E7%A9%BA%E4%B8%AD%E9%9D%9E%E4%BA%BA UBlog: https://blog.ulifestyle.com.hk/blogger/flyingtrapeze/ BeautyExp: http://www.beautyexp.com/articles/author/flying-trapeze28gmail-com/
