話說前幾日飛左去Rome～ 一個充滿古典又浪漫氣氛既地方♥ 今次雖然只係stay左兩日都好充實去左好多地方^^ 第一日我地去左Vatican City～ 皆因Vatican City離羅馬好近 而且要遊覽既野亦唔多 大概2小時就可以行哂架啦～ 但一般遊客都只能夠係佢既外圍觀光 再入面係要得到批准先可以入去既＾＾ 大家可以搭Metro去到Ottaviano 再行多大概十分鐘就可以去到Musei Vaticani架啦～ 但係建議大家早少少去 因為4點就閂門架啦 （哭） 睇完museum後可以去Basilica Papale di San Pietro (聖伯多祿大殿) 佢係全世界最大既教堂黎架 企係聖伯多祿廣場 唔係教徒既我 都深深被莊嚴而神聖既氣氛所震撼O.O 入到去最注目既當然係佢既大圓頂啦～ 但最令我覺得佩服既係入面既雕像 完全想像唔到幾百年前既人係點樣完成出黎O.O 完全可以用偉業黎形容呢d建築 （拍手) 出返黎之後大家就可以去寄下postcard 話哂梵帝岡都係一個國家黎架! (笑) 之後我地就搭左Metro去Barberin 去左衝上雲霄Sam哥去左許願既Fontona di Trevi (笑) 而家見到既許願池已經完成左維修 變返白雪雪見人啦～ 聽講夜晚黎仲靚！ 有心許願既sis 可以背對住許願池 許下願望後將硬幣向後拋～ 但希望你既硬幣最終係成功投入池中而唔係掟左落人地個頭度 因為個度既遊客同本地人真心好多多多多多多多～lol 晚飯當然去左食正宗既意大利菜啦～ 我地第一晚係去左Trattoria Vecchina Roma～ 呢度係近Vittorio Emanuele 既metro station 野食好好味而且非常local! 特別係pasta 最值得recommend! 最值得一提Carbonara 既cheese味非常濃郁 bacon味都好重 因為佢係將pasta擺入一舊cheese度炒！O.O [照片轉自網絡] 第2日就係戲肉啦！！！！！ 我地去左Florence呀!!! （心心眼加尖叫中) 由Rome去Florence 要係Termini 坐train去 大家要有心理準備坐train一d都唔會平（通常都會搭fast train) 由於我地去個程即場買飛 standard class已經無位 所以都要捱貴飛坐First Class（哭） 盛惠每人EUR59!!!!!! 真係肉都赤埋～～～ 買埋回程既飛 就無左EUR98啦～（哭） 來回各需時個半鐘啦～ 但黎到呢度就覺得真係不枉此行！！ 呢度既風景真係好似明信片咁～（心心眼） 黎到意大利點可以唔食Gelato呢～（笑） Venchi既Gelato唔會太漏 岩哂Lunch前食返杯 如果係Rome大家可以去百年老店Gilolitti 度食＾＾ 之後我地去左sam哥之前去過係山上既caffe!!! 望到哂全個Florence既景 超級靚！ 其實呢度係Piazzale Michelangelo既附近 直接可以俯瞰成個Florence~ 太靚啦實在～～ 點擊圖片放大 真係太舒服啦～～ 之後我地返Rome食晚飯 我地係去左L'Osteria de Memmo 就係Colosseo附近 一出Metro就見到Colosseo (心心眼) 仲有Vittoriano~ 呢度既ham & melon 好好味～d melon超甜＾＾ 但係d醃菜就.......真。心。酸 -.- 原諒我呢篇blog比較長氣同多相 但真係好想同大家分享意大利既靚景！ 仲有少少野想同大家分享 就係意大利supermarket必敗item啦～ 好多人都以為空姐去到outport只係會行名店 nonono～ 我地最鍾意就係行supermarket (笑) 仲要買到成個喼都爆哂! 去意大利第一樣就係梗係要買Salami同Parma ham [照片取自網絡] 建議大家去買呢d即切既ham會比較新鮮 而且可以先俾你試食再買 pre pack左既唔知擺左幾耐 同埋新鮮既價格亦都唔貴 想淺嚐既可以先買100／200g試試先～ 另外必買就係Truffle Oil啦～ 其實supermarket一般都會有幾種價錢既Truffle Oil選擇 買黎炒蛋真心一流～～～～～ 最後就當然要買cheese Mascarpone cheese同Mozzarella cheese係我每次必敗！ 價錢大概2歐左右 已經大大盒 平過香港好多！ 希望大家都會鐘意我既遊記啦～ 下次去歐洲既話 一定要花多d時間係意大利 包保會有意想不到既收穫！ ♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥ 歡迎邀稿，試用及合作 Email: flying.trapeze28@gmail.com theztyle: http://flyingtrapeze.theztyle.com beauty exchange: http://www.beautyexchange.com.hk/blog/%E7%A9%BA%E4%B8%AD%E9%9D%9E%E4%BA%BA UBlog: https://blog.ulifestyle.com.hk/blogger/flyingtrapeze/ BeautyExp: http://www.beautyexp.com/articles/author/flying-trapeze28gmail-com/
