岩岩過左去幾日去左台北旅行 雖然行程都係同普通香港人一樣大同小異 但係今次focus係食 同以前晚晚掃夜市完全唔同！ 而今次有兩間餐廳好想推介俾大家～♥ 通常好多人去親台灣食麻辣鍋都係去鼎王 但之前去台中旅行有個local朋友介紹去食這一鍋 一試難忘!!O.O 無論價錢 環境 服務 食物質素都絕對係五粒星質素! 所以今次都encore左這一鍋～ 因為這一鍋成個格局 菜單都係模仿宮廷菜 所以成間鋪既裝修都好似皇宮咁 環境有格調又舒服 同朋友坐低傾計可以傾好耐～ [以下係台中店影既,純屬參考XD] 好啦～進入正題！ 湯底方面我今次係揀左老火湯同埋御膳麻辣鍋~ 呢度既湯底我個人非常喜歡 因為唔係死鹹同麻辣到食唔出其他食物既味道 齋飲都唔會覺得一陣味精味～ 而且佢地既湯底亦都會放少許藥材 非常足料！ 鴨血豆腐仲要任添唔嬲架～～ 呢度打邊爐既材料當然稱不上係頂級 但係絕對有噱頭兼夠新鮮！ 左上叫神仙牛肉 因為係上菜既時候會有乾冰係下面 蒸上黎既氣就好似神仙既仙氣咁XD 而海鮮拼盤亦都好精緻♥ 而且這一鍋亦都好大方 每一枱客人都會得到免費既涼飲一set 今次既係yogurt冰沙 超好飲！ 而這一鍋都好識做生意 咁岩我去既時候撞正promotion 只要你持有非台幣既外國貨幣(港紙都得啦即係XD) 就可以免費得到一碟蝦滑或者丸子 亦都太識做遊客生意啦掛?! 食到咁上下 無啦啦就有聖旨到XD 話要係賜糖水 身穿皇帝服既店員就會去哂咁多枱派糖水 真係好有趣XD 到最後埋單 3個人都只係食左2099台幣 即係500蚊岩岩好O.O 咁既派場咁既野食咁既服務質素係香港無2000蚊都唔得啦～ 總括黎講這一鍋係我近幾年會encore再encore既餐廳 因為係呢度既用餐經驗真係好正 特別係服務態度 每一道菜店員都會好細心話你知應該要點食煮幾耐 就係呢種殷勤既態度吸引左好多遊客去朝聖 大家而家去台北食麻辣鍋又有多個選擇啦！＾＾ 下次就會講埋另一間好食料理既分享 各位sis記得密切留意啦~~~~~ ♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥ 歡迎邀稿，試用及合作 Email: flying.trapeze28@gmail.com theztyle: http://flyingtrapeze.theztyle.com Beauty exchange: http://www.beautyexchange.com.hk/blog/%E7%A9%BA%E4%B8%AD%E9%9D%9E%E4%BA%BA UBlog: https://blog.ulifestyle.com.hk/blogger/flyingtrapeze/
