Night view of Taipei 101 當大家睇到十四台北呢個topic既時候,係咪覺得誇張左D呢?十四日只係留係台北?一個星期都比多你啦!仲要聖誕加誇年?淨係酒店錢都”金”啦!咁當然一個正常人如果要真金白銀比晒旺季既機票同酒店就梗係貴啦!好在今次係男朋友去公幹,先可以慳返酒店個part,只係出張機票就可以起行啦!我承認我係去旅行呢方而係比較任性,隨時上網買張機票就飛…… 雖然酒店唔洗錢已經慳左筆,但係成個trip都希望慳得就慳有咁平得咁平啦!係有心理預左架機會delay既情況底下買左HK airline,因為有朋友既幫助可以再有個discount.哈哈!真係好抵呀!咁當然,架機就真係delay啦!由原本既12:15 delay左差唔多兩個鐘先飛. :evil: 所以一杯咖啡同iPad係一個人在途上既best mate! 旺季去旅行有一個弊病:就係乜都要等!去到台北過海關等左成個鐘,過完海關我件行理已經比人係行理輸送帶到拎左落黎!等我仲傻下傻下咁企係度等!好在遇到另一對香港人都係同我一樣搵行理,佢地見到自己既行人比人拎落黎我先知原來我件行理都一樣,已經到左!因為心急想一land左就通知家人同男朋友,所以係機場就買電話卡(出到入境大堂左轉到尾),咁亦都當然係要等啦!中華電訊有D plan專係比旅客既,我黎14日,就揀左個15日既無限上網3G plan,都只係NT$700!都幾抵!搞掂晒所有野就立刻起程飛奔酒店,到左酒店時都晚飯時間啦,去搵食醫醫肚先啦! 日數 費用 1日 NT$100 3日 NT$250 5日 NT$300 7日 NT$450 10日 NT$500 15日 NT$700 30日 NT$900 酒店位於101旁近,所以去左ATT睇下有咩食!但係個日係星期六,如果你冇book位既話,都唔知諗住有位食飯!最後我係台北既第一餐就係食香港已經執晒既Fat Angelo!經過一日既勞動,我已經冇力氣去搵食啦!快D食飽返去酒店浸返個bath好過! 呢個十四日去trip冇乜點plan過要去邊.反正都唔係第一次黎台北,就即興訓醒想去邊就呢啦!聽日先算啦!Good Night!
