拖左大家好耐既中南部,終於同大家見面啦......即刻入正題啦! 要前往殘岥岬,路程有點兒崎嶇!因為個度係冇巴士直接到達,大家唯有搭完巴士再轉的士啦.咁當然自駕遊就最方便啦!前往殘岥岬既途中,風景都好靚架!會經過海邊,衘果子衘殿,小教堂等等..... 由於殘岥燈塔位於海邊,個度風會好,而且時不時會有浪泊上黎.長頭髮既女士影相記住揀返個順風位呀! 睇完殘岥燈塔,大定一定會比旁邊個大石獅吸引住.嘩!真係好高好大呀! 如果大家係帶埋小朋友去既話,仲可以去埋石獅子附近既小牧場.小朋友仲可以係個度餵下山羊,親親大自然. 行到攰攰地,石獅子旁邊有間小小既canteen比大家食下野休息一下.不過個度始終比較偏僻, 大家唔好諗住可以大魚大肉.一般既定食都有既.味道都唔差架.而且canteen隔離就有間小商店可以買下手信,都幾方便. 沿住海邊一路行,可以行到去殘岥珊瑚礁,就好似係縮小版既萬座毛.不過行落去時小心d,因為有青苔,都幾滑下. 由殘岥燈塔行返出去大馬路,會經過一座白色既子教堂.當日咁啱有一對新人係度行禮,我地行入去影相d人仲以為我地黎觀禮.哈哈.沖繩咁靚,我都想黎影結婚相呀! 再行過D,就會見到衘果子衘殿.呢間衘果子衘殿有個鹽餅製造工場係隔離,我地可以透過玻璃睇得一清二楚.仲有新鮮既海葡萄! 完成中部既行程,可以開始南下去那霸啦! 住宿為求方便,我都會選擇住返黎那霸市,因為迎機場,又近國際通,南下去其他地方只要搭巴士就OK啦. 國際通又係一個買手信既好地方.大家見我買左幾多野就知啦!哈哈!夜晚行過國際通既時候更有機會遇上街頭表現!大家要支持支持街頭表現哦! 其實那霸除左shopping都仲有地方去架,好似首里城同波上宮. 要去首里城,只要搭單軌列車就ok啦.去到人地地方,點都要去了解一下琉球王國既歷史文化,所以我就黎左首里城啦!不過入面唔比影相.....所以唯有將所有影像記係自己個腦度啦!呢PART就冇辦法同大家分享啦!你地大家自己去體驗下啦! 唔知點解,去到日本我好鍾意去參觀一下佢地既寺廟,好似好靚咁.今次我就去左波上宮.講左祕密比大家知,我係波上宮求左道愛情符比自己,返到香港冇耐就遇到左依家個男朋友啦!哈哈!單身既朋友可以去一下! 由那霸巴士總站搭巴士落下就可以去到好多觀光既地方,不過今次我只去左玉泉洞. 玉泉洞係全日本第二大既地下洞窟,入面可以見到好多鐘乳石!又有燈光又有流水同註解等等,好值得一去.主題公園度除左鐘乳石洞,仲可以睇到好多沖繩既特色,好似吹玻璃咁!都幾考技巧! 五日四夜沖繩之旅順利完成!I WILL BE BACK! I LOVE OKINAWA. 希望大家鍾意我既分享.
