餐廳以開放式設計，環境開揚闊落，Le Viet嘅logo超搶眼，睇下個餐牌，款式豐富，有沙律、小食、咖哩、串燒燒烤、小炒、粉麵飯等，仲有好特色嘅帽子鍋，睇落好吸引，於是入去試下。🥢火車頭帽子鍋$298非常豐富，牛肉有匙柄、吊籠、雪花牛及越式牛肉，我就鍾意雪花牛，甜香有口感，我朋友就鍾意匙柄，肉味濃郁，質地嫩腍又夠甜香，另外仲有牛柏葉、爽彈牛丸，蔬菜就有多汁夠腍嘅蘿蔔、洋蔥、芽菜及珍珠筍，用上越式牛肉湯底，清甜中帶鹹香，同時跟多壺湯底，方便隨時加湯，另外追加咗個通菜及檬粉，檬粉索哂湯汁嘅精華好正。點擊圖片放大 +2 🥢鮮蝦米紙卷$58Q彈米紙包裹住粉絲、生菜及鮮蝦，口感清淡健康，蘸點酸甜魚露醬汁，風味倍增。 🥢牛油雞翼$78放上枱就聞到勁香蒜蓉味 ，雞翼size仲好大隻，外層炸粉脆卜卜，牛油味勁濃，內裡肉質嫩滑juicy。 🧁越式甜品拼盤$118 甜品有3款👇• 芒果鴛鴦糯米飯：有紫米及白糯米飯，熱辣辣嘅糯米口感軟糯，淋上椰醬，使得糯米更香甜，芒果亦夠哂甜香。• 焦糖燉蛋：脆脆嘅焦糖面下藏着香濃吉士味嘅燉蛋，口感滑溜。• 越南綠豆拉椰糕：口感Q彈又軟滑。 🍹百香果綠茶特飲$36帶百香果嘅味道，清甜香爽。🧉鮮椰青水椰果特飲$45Q彈爽滑嘅椰果配清甜椰青水，清新口感。點擊圖片放大 +9 📍Le Viet彌敦道100號The ONE 4樓L402號舖
