酒吧門面有好多霓虹光管裝飾好吸睛，睇下佢哋嘅餐牌，發現好抵食，有多款$10串燒有交易，當中仲有大蝦，梗係要入去試下喇。酒吧環境乾淨舒服，店內有音響設備會於指定時間內開放俾食客即場表演，另外仲有VIP房，裏面仲擺放咗好多得意嘅暴力熊。10蚊區🥢鹽燒大蝦：超抵…10蚊隻嘅蝦估唔到都幾大隻，新鮮爽彈。🥢香燒多春魚：燒到夠乾身，魚味濃又夠多春。🥢汁燒雞腳筋：超有口感，喜歡咬嘢嘅朋友一定鍾意。🥢蒜蓉燒冬菇：好多蒜蓉好惹味，冬菇燒得夠juicy。🥢燒汁秋葵：口感清爽。 15蚊區🥢麻辣雞腎：麻辣味餘韻一流，嘴唇keep住麻好過癮。🥢鹽燒雞膝軟骨：爽爽脆脆好好口感。 20蚊區🥢爆茜汁雞肩肉：肉質有口感。🥢爆茜汁雞頸肉：口感比較爽彈嫩滑。🥢鹽燒雞蠔肉：多汁有口感。 28蚊區🥢汁燒紫蘇雞皮蝦：口感豐富帶淡淡嘅紫蘇香。 38蚊區🥢汁燒原隻魷魚板：嫩滑Q彈，但完全唔靭口。🥢汁燒白鱔：肉質肥美爽彈。 48蚊區🥢蒜蓉燒生蠔兩隻：又係超勁多蒜蓉，生蠔新鮮嫩滑creamy，好多汁。 🍺麒麟一番搾 500ml $58：食串燒梗係要啤啤佢喇。 🧂調料：三款免費調料包括有孜然粉、秘製芫荽醬油及麻辣醬。 串燒上枱嘅時候熱辣辣， 香氣撲鼻，價錢平民化， 性價比高，另外播放着嘅音樂輕盈柔和，唔會好似一般酒吧咁嘈，同朋友傾計好舒服。點擊圖片放大 +5 📍BliBarla柯士甸路7-9號煥利商業中心地下A號舖
