路經見到間店舖好搶眼，充滿香港懷舊風格，而且勁多打卡位📸，原來係香港創立嘅品牌《品曲奇》响旺角開咗新舖，當然要入去朝聖下喇。點擊圖片放大 佢哋有創意之餘，仲好有港式風格，而且口味獨特，同時包裝設計亦好用心。 店內好多款式都可以試食，可以試到啱先買；仲有多款得獎產品，好似有夏威夷果仁鳥結糖、原味牛油蝴蝶酥、鹹蛋蝴蝶酥、紅棗曲奇、朱古力果仁脆片等。 另外仲有好多創意口味曲奇🤩，例如有：蝦膏、XO醬、蔥油雞、紅棗等，最緊要係不含防腐劑及色素，真材實料👍。 無論送禮定自肥都一樣咁正，今次買咗👇：點擊圖片放大 🍪果仁脆脆：有原味及朱古力味，曲奇口感非常香脆，美國果仁超新鮮，朱古力味更於2025獲獎🎖。 🍪鹹蛋曲奇：曲奇口感鬆化，鹹蛋味濃郁，港式風格亦甚濃。 🍪快樂果醬曲奇禮盒：禮盒內有原味、果醬牛油、果醬朱古力及菠蘿果醬荔枝，曲奇口感同樣鬆化，配合面頭口感QQ不同味道嘅果醬，最鍾意菠蘿果醬荔枝，濃郁甜香嘅菠蘿醬配合芳香嘅荔枝曲奇，創意及味道滿分😋。 📍品曲奇西洋菜南街4號昌記大樓地下D號舖
