去完呢間Bar覺得超正，絕對係要bookmark响我哋嘅尖沙咀酒鬼地圖，仲要推介俾朋友添😆。裏面有好多遊戲，例如有Beer Pong、俄羅斯輪盤、飛鏢、Snooker等，地方都好大，仲有室外大露檯，夠哂開揚，確實係絕世好吧。🍸Double or Nothing $128除咗打卡一流之外，味道仲唔錯，咖啡嘅香味，微苦中帶甘甜，口感滑溜，其他Cocktail仲可以改成無酒精Version添。 🍺Stella Artois Lager 500ml $38🍺Gwen.lo Stout 500ml $38呢個Crazy Hour時段，生啤、紅白酒及汽泡酒都只係$38，仲要係星期一至日16:30 - 19:30都有呀，生啤有Hoegaarden、Stella、Blue girl及Asahi 之外，仲有我哋最喜愛嘅Gwen.lo Stout 添，超正。 除咗有$38酒精飲品之外，仲有半價食品添，有 意式火腿拼盤及炸薯芝士年糕；而我哋就睇中佢哋嘅2025年必食推介，非常抵食。🥢日式燒牛肉$58肉質軟腍肥美，撈埋蛋漿一齊食更顯滑溜。 🥢健康之選三文魚沙律$38 三文魚口感軟糯味鹹香，加上新鮮沙律菜並配合個清新香草味嘅醬汁，酒吧都可以食得好健康😆。 🥢海鮮組合串燒 $128呢個價錢有4款海鮮，真係好抵，有大蝦、生蠔、鰻魚及帶子；鰻魚皮脆肉爽彈味鮮甜，油膩豐富；大蝦鮮爽；生蠔鮮甜；帶子爽滑。 🥢日本銀杏$10🥢 大蔥串 $10🥢日本青椒仔$15食串燒必叫嘅三寶，更何況多款串燒只售10蚊，真係超值，銀杏口感Q彈；青椒仔清新味鮮；大蔥清甜juicy。 🥢避風塘魷魚鬚$88熱辣辣炸起，粉漿薄薄地口感啱啱好，質地Q彈，微辣，餸酒一流。 🥢明太子珍寶帶子意粉$128 意粉沾滿creamy鹹香醬汁，帶子仲好爽彈。 無論係飲嘢或食嘢都好抵，質素仲唔差添，而且仲有好多game玩，地方寬敞開揚，確實係諾士佛台嘅絕世好BAR。點擊圖片放大 +5 📍ShowTime Sports Bar諾士佛臺10號騰龍閣3樓
