朋友試過呢間火鍋店，對佢嘅雞煲花膠湯讚口不絕，話湯頭夠哂濃郁，今次終於有機會輪到我試下喇😋。 🫕濃厚原隻雞煲花膠湯(半隻)$308• 店員會幫忙將雞剪成雞件，肉質嫩滑亦有雞味。• 花膠响呢個時候食口感Q彈爽口，喜歡腍滑就要滾耐少少。• 湯底色水金黃潤澤，味道濃郁甜香，好飲到幾乎飲哂個湯底，店員會幫忙添加豬骨湯👍。 🥢北海道野生元貝每隻$88好新鮮，厚肉鮮甜，口感爽彈。 🥢爽彈豬腩片$168味甘甜，豬味都幾濃，口感爽彈。 🥢爽口花膠鮮肉雲吞$60大大粒雲吞，咬開多汁，肉味夠鮮。 🥢中山脆肉鯇骨腩$88超厚切，勁爆爽脆口感，新鮮肥美，油脂甘香。 🥢原條貴州野生竹笙王$128平時食開米線嗰啲竹笙又腍又散，第一次食到咁緊緻又爽爽嘅口感，超正，仲要真係好巨型㗎👍。 🥢爆汁姜汁皮蛋貢丸$55真係要小心爆汁😜，內裡有綿滑嘅皮蛋蓉及濃濃嘅姜汁，好特色嘅貢丸。 🥢萵筍片$46🥢鮮嫩荀尖片$43萵筍及荀尖係火鍋必備嘅菜式，唔怕滾到腍之餘又唔吸油，食落健康又有爽脆口感。 🍺藍妹$48 🍺朝日$46火鍋嘅指定動作當然係要啤一啤佢啦🍻。 🧂醬料每位$15點擊圖片放大 +5 📍鮮入圍煮花膠雞海鮮火鍋厚福街8號H8 8樓
