我聽左D朋友講話去完丹麥就好鍾意。又話唔怪得知係最快樂啦個D咁樣。 咁我無理由唔去架嘛。咁6月中就去左丹麥-哥本哈根 Copenhagen 由英國去實在係超平...佢係我去咁多個地方以黎最平機票既一次.. 只係...........30鎊咋..係來回呀.....抵到爛呀真係.. 咁既價錢就一定係坐平機架啦...RYANAIR 由stansted airport 出發。 第一次由呢個機場去..原來可以係victoria 坐express 去.. (不過都要個零鐘先到) 唔好以為無野寄倉就預少d時間..我就趕到差D上唔到機.. -_____- 17 June 2017- DAY 1 - Copenhagen ... day 1 下午3-4點先落機..一落機就坐METRO直接去Airbnb la.. 點擊圖片放大 **呢度坐車都唔平...平均每程都要大概港幣28-30蚊。幾個站都係咁... 聽講你係可以買PASS。24Hours/ 48hours咁既。就包曬所有交通工具而且包好多博物館。 但因為我都唔會點去博物館所以無買啦。但呢度既METRO係簡單容易既。只要有googlemap就無問題！ 我地呢間BNB都幾靚。睇得出個屋主係特登Design過D擺設.. 呢間屋最正就係佢有個好大既藍牙SPEAKER..（返英國行過鋪頭先知原來係靚同貴野）.. 我地就用盡佢..係咁播歌 :) settle好之後就已經6點幾啦..出去塭野食.. 黎之前有同事介紹左我去一個區..出名多餐廳同好野食..個名好得意叫..meatpacking district。 真係有勁多餐廳..我地行左個圈又上網塭下...最後就揀左呢間Gorilla .. 我地兩個人叫左個Tasting menu.. welllll....係有十道菜既.. 不過都幾好味..3／4百蚊一個人啦..都唔算貴... 超級之飽... 食完準備去坐車個陣..俾我地發現左個湖...超靚既湖...忍唔住留低影左半粒鐘 ＝D
