３０－５－２０１５ 今天路徑：貝澳＞十塱＞老人山＞芝麻灣懲教所 時間：３小時 8點半到達東涌，我地坐8點55分的3M巴士，去到貝澳羅屋村落車~過對面馬路開始行(由朋友睇地圖帶領) 一直行到去芝麻灣教育徑入口，沿途會經過呢個海灘 終於我估計15分鐘黎到芝麻灣郊遊徑入口 我地就由呢度開始展開今日行山之旅～ 出發前朋友發現這小可愛～之後更多朋友陪伴我們！ 今日天氣其實都好熱，無咩落雨，所以上山時都要不時停低休息～我估大概一小時左右我地上到黎呢個位影相～ 成個行山過程路上都係得我同朋友，無任何人～風景就是你獨佔，鐘意坐幾耐吹幾耐風都得～而且清靜得很。 大約２小時吧？！我地黎到老人山～ 大霧到無咩好風景可欣賞～ 跟住我地向龍尾方向行～行到去一條交叉路（忘了拍照） 右邊果條係繼續往龍尾，左邊果條係去芝麻灣段，我地選了左邊路，希望提早結束～ 呢條路真係唔知道幾耐無人行過，沿途每行２－３步就一個蜘蛛網迎面吃～ 好在朋友帶左行山棍，邊行邊打蜘蛛網，當然仲有好多蜘蛛朋友陪伴～ 明明條路好短，我地都行左一個鐘～呢３小時裡面，沿途我地見到各式各樣的昆蟲，連蛇脫左的殼都有！ 終於都到出口～鬆一口氣，終於唔駛避蜘蛛網～ 我地黎到芝麻灣懲教所，呢度有個碼頭，走去問釣魚阿叔，佢話最快４點後先有船～ 咁我地趕時間又費事查探，索性CALL藍的黎接我地返東涌市中心，車費約＄１２０ 司機話呢個監獄搬左去羅湖，所以莫講話行山友，人都唔多個。 如果要行今日呢條路主要準備（尤其夏天）： 必帶物品：防曬、抹汗巾、蚊怕水、雨傘（可擋太陽或雨，也可代替行山棍用來打蜘蛛網）、行山棍、至少２枝７００ＭＬ水、穿長褲 心理準備：無人行自然好似森林探險咁，好多昆蟲，蜘蛛網在前面，無得避，只可以用枝棍向前打散佢～幸運的話好似我咁只見到蛇殼而唔係條蛇，不過放心，應該都草食蛇黎！ 我覺得呢個地點只係缺少人姐，只要多Ｄ行山友去，Ｄ昆蟲就唔會咁張揚～ 而家好處就係呢個地方無乜污染，享受親親大自然的時間，聆聽小鳥和蟬聲。
