難得去到荃灣，住在荃灣的朋友就介紹我到這間試試甜品～ 因為我地都行得攰攰地，所以去試下甜品休息下啦～ ｢冰雪公主｣就在荃灣廣場附近，地點都好方便易搵，門面好大仲有個好光猛的門牌！ 店內都非常大，舒服整潔，雖然下午4時多到來，但原來也有不少客人wor～ 食店是以半自助式的，到收銀處點菜，然後店員之後就會把食物送上，仲有可以自己自助的茶水及調味區～ 這間食店還有Free Wifi及有很多不同的board game預備俾客人玩，又唔限時入座，真係好Free～ 店內當然有洗手間啦～ 揀好座位就看看有什麼東東可以點呢～ 原來這裡除了有各式甜品花茶等之外，仲有其他咸點熟食，款式夠哂多，真係有一樣你喜歡的！ 座位就有張枱號，點單時就要說明你座位編號，之後食物就可以送上給客人啦～ 爆谷雪糕（HK$45） 一直都好想試試佈滿爆谷的雪糕，想不到這裡有，雖然知道係好邪惡，但都要一試呀！ 超高的雪糕，上面佈滿金黃色的脆脆爆谷，爆谷跟雪糕出奇地夾，爆谷表面是焦糖味，甜店適中，不會過甜！ 而配上白色的牛乳雪糕好正，牛乳雪糕密度好高，不易融化，好滑～跟焦糖味爆谷好夾～ 朱古力曲奇芭菲（HK$62） 一向好喜歡食芭菲，所以點了我喜歡的朱古力口味～ 一杯份量都算幾大杯，入面有Oreo餅碎、Cream、朱古力雪糕等，口感非常豐富！ 上面的Cream也是曬上Oreo餅碎，也有一片Oreo餅！ 食下食下，發現原來入面仲有朱古力布朗尼，真係一杯芭菲就有著不同的口感，好好味！ 北海道香濃牛奶卷（HK$28） 因為看到門口的蛋糕櫃好精美，所以也叫了這個牛奶卷！ 上碟好用心，而牛奶卷的份量好大件，比平時食到的多1-2倍，好抵食呀！ 中間的牛奶Cream勁滑勁香，媲比某大日本的蛋卷，好正！ 好抵食呀！ 後記： 朋友的介紹沒錯，款款甜品都好有水準，相信咸點也是不錯的！ 仲可以跟男友白痴的玩玩小遊戲，hea左1小時多，腳仔都休息夠，可以繼續行街lu～ 行開荃灣真係要去試試，愛吃甜品的一定喜歡！ 冰雪公主 地址：荃灣享和街57A號都城大廈地下A舖 Facebook: https://www.facebook.com/thefrozenprincesscafe ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 歡迎合作試用．邀稿．出席活動．化妝工作 Wing Ho E-mail : fingyan.wing@gmail.com / fingyanwing.makeup@gmail.com Facebook : www.facebook.com/fingyanwing.makeup Instagram: FINGYANWING.MAKEUP ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
