有時食得多正餐的飯粉麵食到悶，就喜歡跟男友去食”鬼佬”餐～ 就係去食漢堡包啦～ 去開銅鑼灣要想起食漢堡就一定去「Burgeroom」！ 上星期又去拜會一下啦～其實老實說已經食了不下十多次，今次就分享一下啦！ 「Burgeroom」就位於百德新街內的食街內，有室內及室外座位～ 我地平日7點左右去到，室內都仲有位可以唔洗等位直入～ 餐廳內的裝修好有Cyber Feel，門口旁邊有個飲品櫃～ 找到位子就要睇餐牌啦～ 選好食物後，我們需要到收銀處落單，之後職員就會俾一個號碼牌～ 因為食物是即叫即做的，做好之後就有職員送上食物！ Snapple（HK$28） 我們Order一支果汁兩份飲～ 芝士薯條（HK$50） 食漢堡又點可以少左薯條就個好拍擋，今次就點了芝士薯條～ 薯條是粗薯條，即叫即炸好香好脆！ 淋上芝士醬好正，芝士味香而不膩，中間帶一點點香草碎～ 脆脆的薯條伴著芝士令薯條半脆狀態，又吸收了少少芝士味在內，好好味！ 不過要襯熱食，凍左芝士就變得半凝固狀，口感就相差好遠了！ 香脆雞肉芝士漢堡（HK$78） 它們的漢堡是大大個的～ 中間夾住一塊好厚身的香脆雞肉塊～ 而它們都好貼心的先將漢堡一分為二，方便食用～ 上下兩層是包，之後有芝士、香脆雞肉、鮮蕃茄片及生菜，份量一點也不吝嗇～ 香脆雞肉表面炸至脆身，好香好入味，但不會太油，而芝士會因為熱度而半溶化狀，配上新鮮爽口的鮮蕃茄片及生菜，口感非常豐富！ 鵝肝牛肉漢堡（HK$158） 晚餐就是要吃豪一點，叫了這個有鵝肝的漢堡！ 這個漢堡的上碟方式都有所不同，包面是另外放開，之後就有鵝肝在上層～ 有上下兩層是包，之後有鵝肝、芝士、漢堡、鮮蕃茄片及生菜！ 鵝肝煎得剛剛好，好香好好味，之後就有半溶芝士及漢堡，漢堡肉是手打的，好多牛肉味，又唔會太過易散，配搭鵝肝味道一流的好味！ 之後也有新鮮爽口的鮮蕃茄片及生菜，口感豐富！ 第一次要有刀叉享受漢堡！ 後記： 這間漢堡店是由之前未搬店都已經有幫襯過，多年來都能夠保持水準，所以到宜家為止都是我跟男友非常愛的一間餐廳！ 不要看它的食物價格好像貴了一點，但其實真是物有所值，如果不是太肚餓，我一個女仔都唔可以食到一個包，因為份量真係很大很多！ 愛吃漢堡的你們真的不能不試呀！ Burgeroom 地址：銅鑼灣Fashion Walk食街百德新街50-56號地下D舖 Facebook: https://www.facebook.com/BurgeRoom-29807994937/?fref=ts ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 歡迎合作試用．邀稿．出席活動．化妝工作 Wing Ho E-mail : fingyan.wing@gmail.com / fingyanwing.makeup@gmail.com Facebook : www.facebook.com/fingyanwing.makeup Instagram: FINGYANWING.MAKEUP ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
