剛過去的元宵節沒有跟情人過，就跟姐姐去食放題～ 「八幡屋涮涮鍋」是一間非一般的日式放題店，它主打是日式火鍋放題，除了有牛和豬之外，竟然有意想不到的驚喜！ 我們晚上約7時就去到，因為事前已經訂座，所以好快就可以入座，入座前就先選湯底及牛肉等級，牛肉等級就是有價錢之分，我們就選了「嚴選黑毛和牛」HK$298一位，用餐時間90分鐘！ 食店位於旺角瓊華，在旺角鬧市中心，地點好易搵～ 而它是佔全層，座位都非常多及闊落！ 我們就點了一個鴛鴦湯底，分別選了蕃茄濃湯及骨膠原豬骨湯底～ 蕃茄濃湯湯底有好香濃的蕃茄味，仲有蕃茄粒係底添！ 除了任食牛肉豬肉放題外，店內都擺放著不同的食物及飲品～ 先來調味區，唔好以為日式火鍋放題就只有日式調味料選擇，這裡都因應客人不同的口味而提供港式的火鍋調味料，如香蒜、蔥花及辣椒等～ 除了食肉外，這裡都有有幾款蔬菜可以選擇～ 還有多款的丸及菇菌類等可供選擇～ 怕不飽就可以選不同粉面類醫飽個肚啦～ 再來有現成的飯及咖喱醬，可以食個咖喱飯～ 仲有芝麻沙律、中華沙律及螺肉等冷盤～ 行過少少就有女士及小朋友見到都為之動心的甜品區～ 有多款的凍餅、Jelly杯、朱古力噴泉及各式雪條雪糕等等～ 真係第一次Shabu Shabu係有朱古力噴泉同埋甜品櫃架～直頭以為自己去左酒店食自助餐咁！ 仲有仲有～即炸天婦羅及即燒串燒～ 睇到呢到就覺得自己即時有選擇困難症，樣樣都好想食！哈哈！ 除左食，就梗係有飲啦～ 一大個飲品櫃可以任飲，成個7仔雪櫃咁，選擇十分之多！ 出去行完一圈就返埋位開動啦！ 我們的套餐是可以選食美國進口牛肉、特選美國牛肉及嚴選黑毛和牛，所以每款都叫了一點～ 特選美國牛肉 肉質比較紅一些～ 美國黑豬 比牛肉淺色一點～ 豚肉沒有一碟份量都比較多～ 嚴選黑毛和牛 而這個就是我們最想食的打主黑毛和牛啦～ 相片中是黑毛和牛，比較一下黑毛和牛同美國牛肉的分別～ 基本上兩款都有牛肉味，分別是黑毛和牛比美國牛肉比較濃牛肉味一點，而且黑毛和牛的肉質比同美國牛肉鮮嫩一點，但美國牛肉也是不錯的！ 不過有得食好，當然就食高一級啦！ 放入牛肉都有技巧架！ 因為牛肉一般比較易熟，如果煮太耐會令肉質變老變粗糙～ 所以要食的時間先可放入鍋中，煮到剛到變色就可以食啦～ 醬料方面，我就取了芝麻醬及豉油加香蒜，日式及港式都拎齊！ 不過牛肉我覺得配芝麻醬係最好味的！ 另加每人加HK$50就可以有星級體驗，可以任食海鮮～ 分別有海蝦、帶子、蠔及蜆！ 海蝦一般，而蜆熟左之後會縮少一點！ 當然唔少得拎丸類及我至愛的粟米啦～ 不得不提，這裡有＂響鈴＂選擇，真係好驚喜！ 呢款熊仔丸類好可愛，食落跟普通的魚片沒太大分別，不過它們實在太吸晴，所以就吸引到我了！ 除左火鍋配料之外，我地都有食其他啦～ 刺身拼盤也是星級體驗的另一任食選擇～ 這個刺身拼盤底部有冷塊令刺身保持冷凍～ 大大隻赤蝦及帆立貝刺身都不錯！ 刺身當然少不了三文魚啦～ 仲有我至愛的螺肉！ 已經食到7-8成飽啦～ 天婦羅及串燒都食唔落了！但甜品就一定要食啦！ 款式好多好正，蛋糕一口一粒，可以試到唔同的款式～ 最喜歡就食朱古力味蛋糕，好正！ 這個櫻花果凍（正名：水信玄餅）好特別，是日本近年好流行的甜點～ 食落有櫻花味，質地好Q彈好似蒟蒻！ 飲品都只係一人選了一款，因為真係好多野食，冇時間飲野，哈哈！ 後記： 這一餐真係食足90分鐘無間斷，食物種類多，雖然不是款款都是極級好味，但有任食的和牛加任選的食物配料、甜品熟食都一應俱全～真係滿足哂不同客人的需要！ 整體覺得好好，好適合一大班人去食，一人俾一個價錢就唔怕邊個食得多食得少，平均分得不勻啦！ 八幡屋涮涮鍋 地址：旺角彌敦道628號瓊華中心12樓全層 Facebook: https://www.facebook.com/Yahataya.Shabu.Shabu ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 歡迎合作試用．邀稿．出席活動．化妝工作 Wing Ho E-mail : fingyan.wing@gmail.com / fingyanwing.makeup@gmail.com Facebook : www.facebook.com/fingyanwing.makeup Instagram: FINGYANWING.MAKEUP ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
