近期購入了一隻超好用的台灣眼影，真心要推介一下給各位經常化眼妝的女士。 由於小Fi我本人接近每日都會化眼妝，所以對於眼的化妝品及卸妝品都非常講究。而且都試過好多不同的品牌的產品。 有化開妝的女士都應該好明白，其實眼影即使日日化都好，可能一年都未必用得完一盒，用唔完又想試新野又好似有點兒浪費，所以我挑選眼影第一件事除了要睇吓顏色與自己夾唔夾之外，都要睇吓隻顏色係咪四季都啱用。 近期從網購購入了台灣1028的眼影盒，有三款系列顏色可以選擇，分別是Brownie, Toffee, Macaron。由於小Fi我就用開深啡色系的眼影，所以購入了Brownie(布朗尼)這款。 其實我覺得包裝外面已經非常精美，打開裡面仲有塊小型鏡，仲配合兩枝掃，真的非常貼心。貼心的原因是，其實要化一個均勻的眼影妝絕對唔難，重點是不能只用一枝掃。 好多化妝的初學者通常一開頭都好怕眼影難handle，其實未識化妝前我都覺得化眼影呢門學問真係好高深! 但係化得多同慢慢上手之後會發現有好多配搭都可以玩。 而我自己化眼妝的習慣是一定要用兩枝掃，一枝用於上色而另一枝用於推開。 1028的眼影顏色方面有6隻，由淺入深。價錢都只是約HK$95-100元(約台幣399)，性價比非常高。而且布朗尼呢盒顏色全年都非常岩用，有時返工雙眼較浮腫都可以用深啡色補救。 Fi推指數 : ★★★★☆ 我自己大愛是深啡色(下行第1、2)，原因是我最常化的是日系的OL妝，當年在日本工作時向日本女同事偷了不少師呢。只要眼妝化得好，眼就自然有神，就算是比較細眼的女生都可以用眼影做到有神，有靈魂。 一個完美的眼妝，要做到有層次，絕不能只單靠一隻色。 我會用較淺的珠光色(上行第2)先在眼窩較突出位置作打底顏色，再用淺啡(上行第3)作為第二層上色後，才用深啡色(下行第1、2)highlight。不得不讚1028呢款眼影好柔滑好易上色。 可能有D人會問，有閃粉的眼影用於返工/日常會唔會好誇張?答案係唔會，其實只要用得均勻，就會做到好自然。眼影用得好，再加條幼眼線就已經好快打造到有神。 文字上睇可能有點複雜，遲下有機會就試下拍片作小小分享! 希望大家喜歡我今次的分享，下次有好用必定再推介! 請繼續支持小Fi，繼續支持生.活.尋 Fi.看.世.界。謝謝!
