天氣咁好，出外食飯就算行多兩步都係美事，尤其係可以身處四十幾樓進餐餐廳門口夠晒型格 從窗外望住藍天白雲，心情相當舒暢 是日特選午餐於此，2道菜/$355， 3道菜/$395，以金鐘地段黎講算係好抵食 點餐後，細心有禮侍應送上麵飽，想講呢客麵飽係新鮮焗製，外脆內軟 (可以加添) 配襯乳酪代替牛油搽麵飽，酸甜味道比起牛油少一份油膩感，令人一食再想食!!前菜Marinated Ox Tongue 將浸泡過嘅牛舌薄切，入口幾腍身，牛舌味唔算太濃; 配上黑喇叭菇，口感脆嫩，食起黎似新鮮木耳，加上微酸甜醬汁，真係帶比人幾開胃感覺! Miso Barramundi今期主菜係食魚，呢客香煎澳大利亞肺魚，賣相又是吸睛，構圖簡單乾淨 侍應介紹呢客魚其實類似鱸魚，面層再灑上脆及香蔥，增加口感及香味 魚皮煎香得微脆，魚肉入口頗嫩滑，無骨啖啖肉，可安心食! 配襯白菜作配菜又幾特別，加埋個Miso 醬，帶點甜味，帶起成個魚嘅鮮甜味道，兩者配合得好好! 另包咖啡或茶，轉飲Latte，送上一個心心奶泡，未飲先甜 (哈..哈...)! 份量夠晒大杯，入口香濃奶滑 一邊望住靚景，一邊食住送上朱古力做甜點，再呷啖咖啡，今個午餐無論視覺與味覺都取得莫大滿足感! Location : Cafe Gray Deluxe @ Upper House contact me : gingerszeto@yahoo.com.hk
