凡係有關芝士既菜式我都喜歡, 知道呢間食店主打芝士入餐, 又點可以唔去會一會佢呢? 係門口排隊等位期間, 見到呢2款主打招牌菜式已經令我流口水, 今次一於試下呢D先 招牌芝士熔岩疍漿飯 ($48) - 店員先送上芝士及疍漿上, 飯黎到時就先將疍漿倒入飯內, 再加埋成碗芝士碎再趁熱快撈暈, 材料包括泡菜, 午餐肉及紫菜, 食落好香芝士味及紫菜味, 味道好夾又唔會"漏", 飯粒軟硬度適中, 好岩胃口! 呢款係鐵板韓式芝士炒年糕 ($50) - 亦係上前加入碎芝士快炒, 配料有烚疍一隻及少量年糕 辛辣面配以韓式泡菜醬一齊炒, 加埋少量年糕一齊食, 味道甜甜酸酸, 中和左年糕既飽肚感, 令人不禁食埋成碟 以上食物加$20有可以有埋蒜蓉包 (好軟好味道), 沙律菜及特式飲品一杯, 我叫左什錦水果茶(好多生果粒, 味道酸甜) (再另加$18) 呢度仲特設小食, 種類仲唔少, 叫左以下2款 香草鷄翼 - 4隻($20) - 皮香肉滑, 味道唔太濃, 食完唔會口渴 炸魷魚圈 ($35) - 炸得好香口, 表面唔會油, 魷魚唔太乾身, 點埋個胡麻醬一齊食, 都唔錯! 此店唔收加一, 相當抵食 地址 : 九龍旺角廣華街15-33號明威閣地下L舖 contact me : gingerszeto@yahoo.com.hk
