雖然依排做嘢好忙，收工已經勁攰，不過嘢要食，文都係要照寫嘅。今次好多謝My Princess HK我的公主提供Baby Unit 36H眼線膠筆俾我試用，等我都有機會試下做個ViVi公主，寫下自己嘅扮靚心得。 好記得中七畢業嘅時候，有個學妹拎住我以前中一嘅相，問「點解我對眼大咗咁多？」嗰個Moment我都唔知應該笑定喊。不過都係事實嘅，以前對眼真心又細又無神，成日好似唔多對焦咁，依家可以變到咁有神采，一支好又啱用嘅眼線筆真係功不可沒，只要妳運用適當，即刻豆豉眼都變日本漫畫女主角啲水汪汪Bling Bling眼。 Baby Unit 36H眼線膠筆嘅包裝用咗唔少化妝品都會用嘅粉紅色系，加上閃鑽字型嘅設計，好啱成個產品嘅形象。 嚟返個Baby Unit 36H眼線膠筆Close Up，妳都快啲整支試下，一齊升LV啦。 本身一開蓋，見到支眼線筆係膠狀，心有不炒，以為會畫到一噠噠。但畫上隻眼到，效果想像唔到咁好，眼線竟然可以畫到好幼細之餘，又好容易上色，而且仲好分明。 我係嚴重內雙眼皮少女，如果支眼線筆唔係防水防油，條眼線唔駛2分鐘，一定沾到周圍都係，Blend開仲可以扮眼影。我朝早7點半化妝，夜晚12點半返到屋企照一照鏡，依兩條由Baby Unit 36H眼線膠筆特製嘅眼線依然喺到，以後內雙眼皮嘅姊姊又有樣平靚正嘅眼線筆用啦。 如果想買Baby Unit 36H眼線膠筆，可以去My Princess HK我的公主（www.myprincessyoyo.com）度睇睇，望望下可能仲有其他意外收獲架。
