檳城有好多熟食中心，場內卧虎藏龍，隨時可以唔覺意執到寶。今次來呢間，紅園美食坊，不定期有名星表演，載歌載舞，是一個幾互動既美食廣場。然而，我從來只為食，所以並沒有夾好歌手的表演時間，只求來吃一餐飯。 老媽子恨食魚，呢到最入有檔專賣海鮮的，隨心揀左條紅魚，同埋一份蝦，之後再去其他檔口選別的東西。 魚可以選擇做法，來到檳城，無理由又食清蒸卦? 老爸就話試試酸甜做法。將魚輕輕炸過，伴以甜甜酸酸的汁醬，少許似茄汁，幾醒胃，條魚肉質都幾好，老媽子包辦了大半條。 蒜茸蝦，老實講未必夠香港新鮮生猛，但惹味既蒜茸蒸正好彌補佢既不足，都無咩投訴。 茄子就由師傅發辦，佢都係開邊，加蒜茸蔥花及微量辣椒蒸，幾惹味，老媽子話未食過呢個做法，最緊要佢滿意就是。 我最中意食檳城既炒粿條，呢間都炒得有鑊氣，帶少少辣勁，好食，但在當地也未致頂級。 老爸就去買左中份量的肉骨茶，藥材味重，也帶點回甘，湯頭我覺得可以，但是配料就未見出色，枝竹甚至幾韌。 椰子水好大個，卻未夠凍，要杯果汁可能更爽。餐廳資料：紅園20, Leith Street, 10000 Georgetown ,Penang Malaysia 10000 Penang
