筆者朋友唔算多，同埋愈來愈認同君子之交應該淡如水，所以來來去去只有幾位好友，係會每年都互相請大家食飯慶生，今次呢位是其一。猶記得去年是跟她去Rosewood的Bluhouse吃薄餅意粉，今年再繼續瑰麗酒店之旅，來到 Holt’s Cafe。 Holt’s Cafe以茶餐廳為主題，當然無講環境、服務、食物擺盤及價錢等都是幾何級提升，有人覺得咁樣食茶記嘢好唔抵，但我又認為是另一種的餐飲體驗，偶一為之亦無妨，其實數年前的父親節，我都係同老豆嚟呢度慶祝。 壽星女話唔係好肚餓，因此渡點套餐，散叫幾款食物即可。點餐過後，店員奉來麵包，有軟身有硬包，都有水準的。唔夠既話可以添加，但細食既我倆還是保留食力吧！ 叫左份海南雞飯，尚算皮爽肉滑，沾三色醬是好吃的，但坦白說未到頂級。反而油飯好香，湯係有桂圓及杞子在內，配角更出色。 接著來的蝦多士，原來一碟只有兩件。個子唔細，有「鳳尾」勾起，賣相幾有氣勢。吃起來是鬆脆彈牙，滿有芝麻香，對於愛吃香口嘢既我而言，無投訴。 主角飲食一向比較健康，所以也想要個菜，就點了上湯浸娃娃菜，係清甜的，而蒜子更吸引我。 既然是茶餐廳主題，飲品自然有港式奶茶，我就要杯鮮奶咖啡，兩杯都係$80，聽起來好似咖啡相對抵飲。試了一匙港式奶茶，是幾厚身的，咁體驗一次半次，無妨丫。 甜品就選了被小紅書炒起、全港最貴既「蛋撻」。說是蛋撻其實不太正確，因這根本是吉士撻，混入了最優質的大溪地雲尼拿籽，撻皮酥脆，餡料香滑、厚身。當你唔將佢當為蛋撻，呢個價錢，又會合理返啲~餐廳資料:Holt's Cafe尖沙咀梳士巴利道18號香港瑰麗酒店2樓38918732
