香港既咖啡室多不勝數,飲到胃穿窿都試不完,但集Cafe與Whisky Bar於一身的,卻又寥寥無幾。 今次我到訪的,叫Cafe Hachiko,就是這類店子。 說回咖啡,不管係竹炭咖啡或是拿鐵,拉花亦稱不上賞心悅目,但用上精緻的玻璃酒杯,頓時成為打卡呃Like既良品。再者,咖啡的水準還好,放了好一陣子拉花亦沒有散,入口醇和,沒有投訴。 我們點的卡邦尼意粉,是沒有下忌廉的版本,換來是蛋香及濃郁的芝士香,頗正宗的意式做法。再者,意粉口感幾好,若煙肉能夠爆香一點,就更滿意。 甜品選上了法式西多,可是又漏單又制作需時,一個多小時仍沒送到,店主都勁唔好意思。幸而,成品總算香甜,等左咁耐,肯定是新鮮做出來吧! 鑑於法式西多實在搞得太耐太久,店主為表歉意,送上兩粒和果子給我倆品嚐,都好識做丫~見枱枱都點上紅豆抹茶,好唔好飲就唔知,不過賣相絕對夠呃Like,家陣始終係手機/ 相機食先飲先既年代。