自煮早餐: 蛋餅+牛油果多多

瀏覽人數:245
發佈於 2020.05.25

根據非正式統計,要數十大最受歡迎既簡易早餐,台式蛋餅穩佔一席位。

都係既,莫講話在香港,許多時去到台灣,都會吃件古早味的蛋餅作早點,之後才開始一天的活動。

已經試過在家弄賓尼特蛋、溏心蛋、惡魔蛋、黑松露炒蛋等等等等... 反正諗唔到整乜,倒不如又搞個台式蛋餅玩下。

材料:雞蛋、中筋麵粉、栗粉、鹽 (再加埋你想食既配料啦!)

中筋麵粉與栗粉及水既比例大約是 2:1:3,加少少鹽,撈勻至順滑做成麵糊。

之後可以打雞蛋落去麵糊,再拌勻,便可落鑊煎。

麵糊煎至開始轉金黃色,就可放入自己喜愛的食材。我家只有罐頭粟米粒以及熟成芝士,刨一些上去就是。

雞蛋煎熟後,小心將佢捲起便完成。可惜我沒有蔥花、火腿,亦都搵唔到肉鬆,否則混入去煎,賣相自會更靚仔。

飲品於我而言是非常重要,早前整過牛油果奶昔覺得幾好飲,今次又搞下新意,調杯牛油果乳酪特飲吧~

將半隻牛油果肉、兩枝益力多及適量雪碧 (按個人喜好加多加少,唔落雪碧都得) 全放入攪拌機打碎既可,毫無難度可言。

酸酸甜甜幾好飲,我覺得比起奶昔更吸引,原來牛油果同益力多係好朋友。

*本站之內容由作者所提供,並不代表本站的立場。因此本站對所有博客的立場、真實性、準確性及完整性不負任何法律責任。

相關話題

收藏此文章
  • Facebook分享
  • WhatsApp分享
  • Line分享
  • 複製連結

發表評論

{{commentText.length}}個字
全部評論 {{comments.length}}

作者最新文章

更多美食文章推薦