今年農曆新年 儍媽終於去了一直都好想去的關西之旅 計劃行程 ... 關西有兩個地方儍媽都好想去 一個是大阪南下的和歌山，另一個是大阪往上走的城崎 但是兩個地方一南一北 ... 唔想咁趕，只可以二揀一 最後我們揀了往上走的路線 ... 因為現在是松葉蟹的季節，去松葉蟹的故鄉『城崎』就啱哂 既可以食松葉蟹，又可以在溫泉街泡七色湯 ... 有七個不同特色的外湯溫泉 行程仲可以順道去日本三大名景的天橋立 《千與千尋》電影裡的海上鐵道 ... 京都丹後鐵道 當然要去埋大阪黑門市場、心齋橋、梅田、道頓崛 ... 不過，因為大阪以北的地方天氣較凍，應該會落雪 而儍爸無雪地駕駛的經驗，所以放棄輕鬆隨意的自駕遊，選擇了較安全穏陣的鐵道遊 =================================================== 2017 年 1 月 26 日 - 2 月 3 日 關西鐵道遊【神戶。舞鶴。天橋立。城崎。京都。大阪】行程篇 =================================================== 第一天 ... 26/1/2016 (THU.) 年廿九 香港 > 大阪 關西空港 到著 > JR Ticket Office > 神戶 【住宿：Hotel Crown Palais Kobe】 到了關西空港，第一件事就是去換 JR Pass 由於搭乘廉航無飛機餐食，我們幾個為食怪一落機已經好肚餓 趁著儍爸在關西空港排隊停拎 JR pass 的時候 我們就去了 Lawson 買野食醫肚 ... 買了兩款士多啤梨麵包食住先 有興趣可以去呢度睇下呢兩款士多啤朵麵包好唔好食 → http://estercheung.blogspot.hk/2017/02/blog-post_28.html 先到酒店 check-in 放下行李 Hotel Crown Palais Kobe 間三人房很大 酒店樓下仲有間 bookmark 了一定要來試的大熱的鬆厚 Pancake 店 ... Gram Cafe & Pancakes 之後，去了神戶閒逛 shopping ... 神戶駅 7-11 有很多特色的商品，包裝美美的，做手信不錯的 士多啤梨怪囡囡買了這款包裝美美又好食的 Frantz Strawberry Chocolate 晚餐：神戸個室居酒屋 竹取御殿 神戸駅前店. 日本的晚上很凍 ... 只有 5 度 在私人的日式個室食了個暖笠笠的豪華海鮮鍋，再追加肥美的牛腸、豚肉和烏冬 第二天 ... 27/1/2016 (FRI.) 年三十 神戶 ヤマサ蒲鉾夢鮮館 神戶 Mitsui Outlet Park > PABLO 神戶元町店 【住宿：Hotel Crown Palais Kobe】 ↑ ヤマサ蒲鉾夢鮮館 試食魚糕和浸無料足湯 ... 爽呀!!! ↓ 神戶 Mitsui Outlet Park shopping PABLO 神戶 元町店潮聖 想食的期間限定草莓芝士撻和大熱的 mini cheese tart 都已經售罄 但是都食了好好味的芝士撻和抹茶 Premium Cheese Tart 有興趣可以去呢度睇下呢兩款士多啤朵麵包好唔好食 → http://estercheung.blogspot.hk/2017/03/tea-pablo-casual-cafe.html#more 【關西鐵道遊】悠閒寫意的嘆個 TEA ♥ PABLO Casual Cafe 神戶 元町店 晚餐：神戸 肉の入江. 除夕夜的年夜飯食好點，在神戶食了一頓美味的日本國產全牛燒烤晚餐 第三天 ... 28/1/2016 (SAT.) 大年初一 神戶 > 舞鶴海鮮市場 > 舞鶴閒逛 【住宿：旅館 銀水閣】 大年初一，搭 JR 轉轉運 由神戶到舞鶴只是一個多小時的車程，但是天氣變化好大，仲凍了很多 雖然冇下雪，但是昨晚應該落了場雪，所以地面仲有積雪 ... 兩隻就最開心，可以玩雪嘛 仲有雞年的第一餐，在 JR 上面食豐富的火車便當 ... 神戶牛便當和明石章魚便當 這日是我的生日 儍爸特登安排去舞鶴海鮮市場食我至愛的生日大餐 ... 海鮮午餐 有即烤的海螺、帶子、魷魚、蠔和松葉蟹，仲有三文魚子海膽飯 在舞鶴閒逛完，估不到仲搵到間好溫馨的咖啡室『煉瓦屋』嘆杯咖啡食件蛋糕 本來大年初一的晚餐都想食得豐富點 但唔知係咪冬天的關係，店舖很早就收工 ... 食肆都是呀! 在無選擇之下，這日的晚餐就在餃子之王將食餃子和拉麵 第四天 ... 29/1/2016 (SUN.) 大年初二 舞鶴 > 京都丹後鐵道 赤松號 > 天橋立 > 城崎溫泉 【住宿：城崎溫泉 錦水旅館】 其實舞鶴的景點不多，去舞鶴海鮮市場食個飯，再周圍行吓半日都逛完 如果自駕遊的話，我們唔會在舞鶴過夜，而會直接去下一站 由於今次是鐵道遊 可以搭乘《千與千尋》電影裡曾出現的一條海上鐵道 ... 京都丹後鐵道 在赤松號一邊觀望無邊無際的大海，一邊悠閒的享受早點 下一站到訪日本三景的天橋立 最估不到是兩隻小魔怪參觀完傘松公園，居然夠膽乘坐單人開放式的吊椅落山 松葉蟹的故鄉『城崎溫泉』滿街都是松葉蟹 雖然好想嘆吓松葉蟹溫泉料理，但是一家四口星期日晚下塌於包早晚餐的溫泉旅館 一晚的價錢約四仟港幣 ... 反正溫泉街有七間不同特色的溫泉會館可以泡湯 最後都是揀了一間不包餐的旅館和外出食松葉蟹料理較化算 第五天 ... 30/1/2016 (MON.) 大年初三 城崎溫泉 > 京都 伏見稻荷大社 > 祇園花見小路 > 錦市場 【住宿：ホテル ステーション京都・西館】 坐長途車，當然要在 JR 食個火車便當 ... 城崎溫泉的名物『松葉蟹便當』+ 蟹肉飯拼蟹壽司 到了京即刻參觀以千本鳥居聞名的『伏見稻荷大社』和以藝妓聞名的老街『祇園花見小路』 在超市買到半價的香川縣產女峰士多啤梨 ... 又大又香又甜又多汁呢 !!! 晚餐：本格燒肉 CHIFAJA 食燒肉放題 第六天 ... 31/1/2016 (TUE.) 大年初四 京都 > 大阪 PABLO 道頓崛 > 心齋橋 shopping 【住宿：OOKINI Hotels Nipponbashi Apartment 日本橋奧基尼公寓】 嘆完早餐在京都閒逛和 shopping 後 再在個京都勝牛食個吉列牛扒午餐就去大阪 一到大阪即刻去食個 PABLO mini cheese tart 有興趣可以去呢度睇下我們食的邊幾款 cheese tart ... → 大熱 ♥ PABLO 半熟流心芝士撻 ♥ 除了原味。仲有莓果 / 抺茶 / 焦糖果仁 / 草莓大福芝士撻 http://estercheung.blogspot.hk/2017/03/pablo.html#more 晚餐在民宿附近的日本燒肉連鎖快餐店 ... 松屋 ... 食個平靚正的燒肉飯 第七天 ... 1/2/2016 (WED.) 大年初五 大阪 黑門市場 > 阿倍野 Shopping 早餐是之前一晚在心齋橋 PABLO 買的一月期間限定『草莓大福芝士撻』 之後，再去黑門市場繼續邊行邊食 ... 很多燒海鮮、魚生刺身 ... 最開心是食了傳說中的白色士多啤梨『淡雪』 一盒有日本奈良縣 古都華士多啤梨 + 淡雪 只是 680 YEN ... 好抵食呢 !!! 接著，去了阿倍野 shopping 與囡囡在 Afternoon Tea Tearoom 嘆了個期間限定的士多啤梨下午茶 有興趣可以去呢度重溫 → 令人難以抗拒的士多啤梨下午茶 ♥ Afternoon Tea TeaRoom http://estercheung.blogspot.hk/2017/03/afternoon-tea-tearoom.html 在阿陪野 Q's Mall 超級市場買餸返去民宿煮飯的時候 無意中又比我們買到冬季限定版薑味可口可樂和換到這隻粉紅色的可口可樂玻璃心心碟 有興趣可以去呢度重溫 → 【日本 ♥ 可口可樂 ♥ 戰利品】新推出的冬季限定薑味可口可樂與粉紅色心心碟 → http://estercheung.blogspot.hk/2017/02/blog-post_30.html 民宿很近黑門市場，只是幾分鐘的路途就到 一早逛黑門市場時，仲順便買了些牛肉和豬肉返民宿今晚開餐 仲有超市的特價吞拿魚刺身、煎大蝦、炒番個日式拉麵和蜜柑酒 ... 好豐富呢 !!! 第八天 ... 2/2/2016 (THU.) 大年初六 大阪 難波八阪神社 > 萬博紀念公園 & Expo City > 心齋橋 + 道頓崛 之前一晚，又比儍爸在 google map 亂禁搵到個好近民宿的神社 這個咁震撼的超巨大獅子頭外型的 ... 難波八阪神社 ... 在梅田 OIOI 行去只是幾分鐘 之後，就去了儍爸指定要去的景點 ... 萬博紀念公園 因為儍爸要去看由漫畫改編成電影《廿世紀少年》曾出現的『朋友之塔』 即是萬博紀念公園的地標『太陽之塔』 而兩隻小魔怪就要入園玩超長的滾軸滑梯 儍媽就要去隔離的 LaLaport ExpoCity shopping 晚餐：金久右衛門 拉麵。道頓崛 晚餐是很多網友推介的金久右衛門拉麵 他們的醬油拉麵連續三屆獲得日本最具公信力的美食網站中的大阪最強拉麵的殊榮 第九天 ... 3/2/2016 (FRI.) 大年初七 Rinku Premium Outlet > 大阪 關西空港 > 香港 這日除了是中國傳統的年初七『人日』，亦是日本傳的『節分』 日本傳統習俗在這日食惠方卷可以招福 我們也在 Rinku Station 的 Lawson 便利店買了件『節分限定』的士多啤梨蛋糕卷 和由京都清水寺祈願過的海苔做的惠方卷，希望可以為我們招福除災 住宿：OOKINI Hotels Nipponbashi Apartment 日本橋奧基尼公寓 在大阪的 3 晚住在位於日本橋的民宿 地點好方便，無論去道頓崛、心齋橋、黑門市場都只是幾分鐘路途 房間簡潔乾淨，仲有免費 WiFii 蛋提供 我鍾意個開放式廚房可以煎日本和牛食 兩隻小魔怪就鍾意坐在梳化食薯片睇電視 詳細的遊記就要等我呢個蝸牛媽媽有時間至再與大家分享 ~~ ** 以上分享是以我的口味、喜好及情況作出分享和感受，一試 / 合用與否請自行決定 2017 日本關西鐵道遊 【日本 ♥ 可口可樂 ♥ 戰利品】新推出的冬季限定薑味可口可樂與粉紅色心心碟 【全部都是士多啤梨】士多啤梨蛋卷 ♥ 士多啤梨麵包 ♥ 士多啤梨惠方卷 ♥ 士多啤梨三文治 【關西鐵道遊】令人難以抗拒的 士多啤梨下午茶 ♥ Afternoon Tea TeaRoom 【關西鐵道遊】悠閒寫意的嘆個 TEA ♥ PABLO Casual Cafe 神戶 元町店 【關西鐵道遊】大熱 ♥ PABLO 半熟流心芝士撻 ♥ 除了原味。仲有莓果 / 抺茶 / 焦糖果仁 / 草莓大福芝士撻
