遊日要行藥妝店是常識吧 亦都係行李超重既最大原因 今次我去大阪前就早有準備 就係先行勻香港大大小小既店鋪 知道哂香港有咩買 等去日本時唔會白抽返黎 而以下我就推介左10款藥妝產品 全部暫時係香港我都仲未見過既 而且價錢都十分抵買 遊日前既你不妨睇下先啦 Nature Conc去角質化妝水 去角質水係每日護膚既第一步 我亦都試過唔少日牌既去角質水 效果都好唔錯 而且價錢都好平 而Nature Conc依款最大特色係有六種功效 當中仲包括美白功效價錢計返港紙都只係$60到 係現時日本既人氣產品仲拎過COSME既第一位嫁 LITS Shape Moist保濕化妝水 LITS有好多款唔同系列既化妝水 我就揀左最基本既保濕化妝水 產品無香料無著色無礦物油 成份天然而且具有導入成份 保濕之餘有助之後既護膚品吸收 係簡簡單單無添加既選擇 Smile Cosmetique美白牙貼 簡單易用既美白牙貼 又係日本COSME美妝大賞既第一名 棉布既質地 輕輕貼上就可以啦 棉布上含有高濃度既清潔成分 可以將牙齒的污漬清除 達到美白和光澤的效果 唔中意牙貼既 亦都可以試下佢同款既牙膏嫁 FLOWFUSHI The Eyecream三合一美容液 FLOWFUSHI係遊日必買既品牌 佢既眼線同睫毛液都係好值得推介既產品 而今次介紹比大家既係2016秋冬最新上市既眼部美容液 產品結合眼週護理 撫平法令紋 增長眼睫毛三種功效 真係懶人既恩物 加上產品以較管包裝 保持產品新鮮 衛生 而且仲可以用到最後一滴添 FLOWFUSHI ION de Cushion FLOWFUSHI ION Area Foundy FLOWFUSHI除左眼部美容液外 都好推介大家試下佢既Cushion同修飾筆 FLOWFUSHI既Cushion堪稱日妝第一個Cushion 我用過粉紅色既 感覺潤澤貼服 質地亦都透薄 妝感自然 包裝亦都好吸引 而修飾筆一邊係修飾液 另一邊係化妝掃 可以均勻咁blend開修飾液 產品遮暇力一般 但光澤感好夠 好適合用黎作兩頰輕微修飾同打亮 感覺用法同質感好似YSL既明彩筆 就寢用口罩 訓覺都可以用既口罩 內含保濕功效 保護之餘亦都可以令呼吸暢順d 好推介俾有另一半 或者要照顧BB既媽媽訓覺時用 瞬間空氣清新消臭劑 日本餐廳既廁所都會擺放既空氣清新消臭劑 我試過 效果真係好神奇 一噴馬上消臭 避免左好多尷尬既情況 有好多唔同既味道選擇 我最推介無香料既原味 除左洗手間可以用外 係屋企食完重口味既野都可以用黎噴一噴嫁 小林製藥一滴消臭元 屋企就可以用大支消臭劑 而出街就可以用隨身攜帶既消臭元 去完洗手間後 只要滴一滴落馬桶 即時消臭 徹底去除討厭既氣味 係公司或朋友屋企方便完滴一滴 就唔會再有尷尬既情況出現啦 QunQum空氣驅蚊劑 夏日將至 就當然要買驅蚊產品啦 QunQum既驅蚊劑包裝精美 細細樽已經可以用成200次 每次噴4-8下 視乎房間大小 一次可以維持12小時既功效 香味仲好清新添 買黎自用或做手信都好唔錯嫁 KINCHO天然精油驅蚊貼 最後推介大家一款又靚又香既驅蚊貼 成份天然 小朋友都岩用 而且冇一般驅蚊貼既難聞味道 外型仲有好靚既花紋添 絕對唔會破壞左小朋友本身既靚靚造型呀 Giveaway 今次會送出2支小林製藥一滴消臭元 希望大家都可以試用一下 玩法好簡單 只要完成以下3點就可以啦 1) Like我既Facebook Page : https://www.facebook.com/emmalovesbeauty 2) Like及Share Giveaway既post 3) 係Comment到分享俾3位朋友 截止時間係30/4/2017晚上11:59pm 我會隨機抽出得獎既朋友 係1/5/2017係我既FACEBOOK PAGE到公佈得獎者 然後就會聯絡你同將禮物寄俾你嫁啦! 請多多支持❤❤❤ 希望大家中意我既分享歡迎任何合作❤試用❤ 出席活動❤ Email :emmama__2@hotmail.com Facebook : https://www.facebook.com/emmalovesbeauty Instagram : lny_emma Beautyexchange : http://www.beautyexchange.com.hk/blog/emmama__2 The Ztyle : http://www.theztyle.com/?80365 SHE.COM : http://blog.she.com/emmama2/ iTral : http://trial.itrial.hk/member_center.php?action=blog Elle : http://blogs.elle.com.hk/emmama2/ UBlog : https://blog.ulifestyle.com.hk/blogger/emmama213/ 免責聲明 **以上產品意見屬個人分享並不代表該品牌之言論及立場**
