夏天終於都黎啦 依幾日出街都熱到出哂汗 為左我既雪白肌 我又要好好加緊做防曬啦 加上近依幾年皮膚每到夏天都會有出油既情況 甩妝油光既情況都好容易出現 我本身又好怕痴笠笠既感覺 夏天既妝容當然要清爽唔厚重啦 所以我好落力試左唔少控油持妝 防曬但清爽既產品 今次就有10款要推介下 仲有Giveaway要送俾大家tim 快d睇下有邊款岩自己啦 Hourglass Mineral Primer SPF15 $250.00 Hourglass終於係香港有得買啦 我就緊係要試下品牌最暢銷既產品Mineral Primer啦 BA話係麥當娜都指定要用佢黎打底 唧出黎感覺似係防曬既質地 但推開發現佢好幼滑 而且好乾爽 面色即時均勻左 同白左一D 有效遮蓋發紅 隱藏毛孔同細紋 係潮濕天氣用依然防汗防水 粉底亦都冇咁易LUCK 而且每次用少少就夠 不得不提我好欣賞佢有得買travel size試左先 不過我用完都應該會買支full size嫁啦 Sulwhasoo Perfecting Cushion Brightening SPF50 /PA $460.00 雪花秀係個cushion真係千挑萬選 係咁多個牌子中 我逐個試哂試用裝 諗到爆頭 最後決定買佢既 質感透薄 清爽 水潤 唔會痴笠笠 遮暇力好唔錯 一般既雀斑同黑眼圈都可以遮得到 用左成日唔補妝都依然有效果 妝容保持到不變色 冇氧化既情況出現 係一款光澤 持久 控油 遮暇 防曬都好高分既產品 岩哂香港天氣用既BB cushion Urban Decay All Nighter Makeup Setting Spray $250.00 夏天有時上完粉底都唔想用powder定妝 怕會好卡粉 同個妝會好厚重 加上我想keep到BB cushion既光澤感 所以今年我就試左唔同牌子既fixing spray 特別推介大家UD既All Nighter 上好哂妝後對住塊面噴4-5下 等佢自己自然乾就OK嫁啦 放心佢唔會整花個妝 反而有效令個妝更持久 係唔會卡粉既情況下定妝 又可以KEEP到粉底既質感效果 Innisfree No-Sebum Mineral Powder HK$58.00 如果唔中意SPRAY 中意POWDER乾爽既感覺 我都有好推介 就係INNISFREE既礦物粉啦 產品含濟州島天然礦物質同天然薄荷原料成分 可以幫助控制皮脂 做到控油既效果 粉末本身係白色既 推勻後就會變成透明 質感好輕透 定妝後唔會有厚妝既感覺 而且無苯甲酸酯 滑石粉 人工色素 動物成分 礦物油同人造香料 所有成分天然 亦有助護理毛孔同瑕疵 除左用係面之外 仲可以灑適量係頭髮上 保持頭髮乾爽 特別係前陰既部分 防止油頭既出現 Etude House Tint My Browns Gel HK$79.00 個人認為甩粉甩咀甩眼線 都唔及甩左條眉咁恐佈 加上我冇左條眉真係好唔掂 最近我就用左依款咁HIT既眉GEL救救條眉啦 夜晚沖好涼洗乾淨哂塊面就用佢畫出自己想要既眉型 然後就訓覺 第2朝慢慢依照眉型MEET佢出黎 咁就會成條眉染左色 出街就唔駛怕甩眉啦 平時化妝亦都唔駛再用咁多時間慢慢畫 不過由於我每日都會用卸妝油落妝 所以大概只last到3-4日 加上我係黑色頭髮 用最深色都覺得太淺 所以我會加少少眉粉 但比起平時都快好多 掃兩掃就攪掂啦 淺色頭髮既朋友就更加唔會有咁既煩惱啦 Urban Decay Eyeshadow Primer Potion Original K$200.00 一向化妝都有用開primer既習慣 除左可以令眼影更持久外 仲可以令眼影更易上色 同展現出原色 Urban Decay四款primer當中我就最中意original 產品本身係呈微微既肉色 好易推開 質地幼滑 冇需技巧都可以搽得均勻 搽開後可以調節反眼皮既膚色 上眼影時亦較易上色 primer有助抓住眼影既顏色 令佢更加持久 冇咁易甩 亦可以控制到眼皮既出油情況 Majolica Majorca Lash Bone Black Fiber HK$115.00 天氣熱 眼睫毛好容易因為出汗出油就DUP左落黎 所以我一定會係搽MASCARA前加層BASE 依支MJ既MASCARA BASE我由第一代用到而家 我諗我已經用左差唔多10支 佢真係做到防油防水 令睫毛既弧度更持久 係夾好眼睫毛後搽上 可以KEEP到個捲曲度 加上當中既纖維令眼睫毛長左同厚身左 可以令之後既MASCARA更長同密 JILL STUART mix blush compact UV SPF20/PA HK$300.00 依個胭脂係今個夏日好值得入手既 因為佢係一款首次增添左防曬功效既胭脂 胭脂具有SPF20/PA 特別為容易曬傷既雙頰提供SPF效果 係補妝既同時補埋防曬 一盒四色既胭脂可以MIX埋一齊用 或者分開用都得 加上佢咁正既包裝 同靚到暈又方便既掃 都係好值得投資既原因 仲有淡淡既水仙花香味 你仲諗咩呢 Elizabeth Arden Eight Hour® Cream Lip Protectant Stick SPF15 HK$145.00 防曬就緊係唔可以MISS左個咀 依支潤唇係伊麗莎百‧雅頓最為經典既產品 蘊含凡士林 維他命 E 及防曬配方 高效保護雙唇同時抵禦陽光與環境的傷害 具滋潤同防曬既效果 可以單用或者作唇部既打底 淡淡既黃色 搽上嘴卻有紅潤左既感覺 有時眼妝較濃時 淨係搽佢有種光澤感都已經好ok 每次打開佢唔知點解都好想瘋狂地搽上咀 好多朋友一見到我用都大讚依支護唇好用 而家怇成為左我化妝袋中既must have item Parasola essence in UV cut spray SPF50 $79.00 夏天最怕曬到隻手兩節色 所以出街一定搽埋手 Parasola係我首選既身體防曬 由我第一篇BLOG開始我已經推介 Spray既包裝噴一噴就攪掂 方便而且非常容易吸收 佢除左做到SPF50同PA 外 仲好香 一d都唔笠 而且好平 帶出街亦都可以隨時 非常方便 更加佢有好香既花香味 真係香水都唔駛搽啦 Giveaway 為左多謝大家一直對我所有BLOG文既支持 我會多D攪唔同既Giveaway 而今次就會送出2盒Innisfree No-Sebum Mineral Power 希望大家都可以試用一下 玩法好簡單 只要完成以下3點就可以啦 1) Like我既fb page : https://www.facebook.com/emmalovesbeauty 2) Like及Share Giveaway既post 3) 係Comment到分享俾3位朋友 截止時間係12/6/2016晚上11:59pm 我會隨機抽出得獎既朋友 係13/6/2016係我既FACEBOOK PAGE到公佈得獎者 然後就會聯絡你同將禮物寄俾你嫁啦! 請多多支持❤❤❤ 希望大家中意我既分享 歡迎任何合作❤ 試用❤ 出席活動❤ Email : emmama__2@hotmail.com Facebook : https://www.facebook.com/emmalovesbeauty Instagram : lny_emma TheZtyle : http://www.theztyle.com/?80365 SHE.COM : http://blog.she.com/emmama2/ iTral : http://itrial.hk/user/emmama__2 Elle : http://blogs.elle.com.hk/emmama2/ BE : http://www.beautyexchange.com.hk/blog/emmama__2 免責聲明 **以上產品意見屬個人分享 並不代表該品牌之言論及立場**
