每年踏入真君誕同天后誕既日子，又係一年一度青衣人既盛事⋯但係，我呢篇唔係介紹戲棚點樣好食，有咩特別必做既事。如果你係想睇果啲內容既話，咁呢篇可能睇唔到你想要既內容~~ 作為一個青衣人，由細到大既戲棚都一定會去，因為對我黎講係充滿左兒時，中學，大學既回憶⋯但好可惜既係呢幾年既戲棚的確令不少青衣人好失望⋯⋯青衣小販曾經係好出名好受歡迎...好多人都會買小食之後去長發海旁坐....自從好多年前領展趕走曬班長發小販,之後開左個所謂既美食城,呢支歌仔已經無人唱好耐.........所以每年既戲棚都係我地一眾青衣友去搵番長發小販去食好野既時間! 可惜唔知邊年開始青衣戲棚比人廣泛報道,有好多唔同地方既人湧過去..同時長發或青衣小販都站唔著腳,比其他地方既食店分一杯羹......細個成日係戲棚食到既辣田螺,真多冰,炭燒格仔餅,炸大腸 ,炸蘿蔔餅通通都唔見曬.....同時都說明左細個既戲棚已組變左質.... 每次自己友講開戲棚,大家都好心痛咁講,唔同曬喇..又貴又唔抵食又逼人......我都覺得好心痛, 同時都覺得細個既回憶正一點點消失.. 抒發完一輪之後,下一篇文章會寫番D正常野:)
