17/5 終於要出發去英國展開長長的旅程了。 出發前兩星期還為去旅行一事坐立不安，搞得心緒不寧呢。 今天終於出發了，原來說離開真的不易!在機場跟朋友及家人道別，好像令淚腺增加了。 如果要我再經歷一次，我想未必可以了。 其實"你"不是一個人，你一個決定，絕對會有蝴蝶效應。 看見朋友仔喊到豬炳，家人又一臉擔心，男友對眼又見紅腫，呢個情境絕對不想再去回想。 所以有機會再長時間出國，還是堅持不接受別人好意，不要再送我機了。：） 早前經ZUJI買了機票去英國，連稅3,800多，經吉隆坡轉機，再等10多小時後轉機去英國 坐的是馬航，A380 JUMBO。雖然馬航的空姐幾粗魯，香港去吉隆坡又DELAY 1個多小時。 不過，馬航整體上不錯的。因為食的不算差，而且有HAAGAN DAZZ ，定時定候有空姐捧飲品侍候。而且還可以去吉隆坡走轉又唔錯。 吉隆坡國際機場去市中心大概35分鐘。如果搭鐵路就35RM。我們3個人就係機場買票坐的士，差不多跟坐鐵路一樣價。而我們返往機場的士都是跟司機大佬拎CONTACT。如果酒店訂會收CHARGE加的士SIZE細。 去到酒店(Royal Hotel - so far so good, 比較舊的裝修，但會提供個人諼理用品及近夜市) 放下行李就去了附近的亞羅夜市。亞羅夜市有很多小炒，一定要食他們的串燒加雞翼，肉骨茶比較淡味，總體上OK的。 然後再行去TWIN TOWER，後來才知TWIN TOWER會熄燈的。 第2朝便向英國出發了~ 坐13小時的飛機確實長，但跟朋友一齊吵吵鬧鬧時間確實過得快。而且我們一直追住太陽走，去到英國4點多。時間真係好好使-_- 跟朋友會再打3人行的BLOG，http://blog.yahoo.com/EGGKAORANGE/articles/page/1，有興趣可以一齊睇^^ 有笑話: 英文發音唔正，問空姐拎RED WINE，比左WHITE WINE，仲有一次比左濕TISSUE我. / .
