來到第三天，我們一早要由江南返回鐘路去SUTTON酒店CHECK IN。 出發前，RECEPTION 跟我們說由江南出發要用近差不多個半小時(驚嚇)。 我們在附近CAFÉ享受完早餐就出發去了。食早餐時，隔離枱有5,6個上班族，經常食一半就走開。有一次更成枱人消失了，剩下一個IPAD。可能呢度係一個好安全既地方，所以佢地就咁放心喇。定係呢度係商業區，所以先會咁呢…? 我地好順利搭上地鐵，已經有心理準備坐(長途)車。點知，8個字就到左。落車果時都要睇下大家有無搞錯地點。出到閘，我地迷失中的時候，有個大叔黎幫我地指路，佢可能都唔太清楚，就捉住左個後生仔問，然後又有一個圍觀大叔。最後幫我地既人竟然係圍觀大叔。但仍十分感謝他們的熱情，一直以為圍觀大叔已經走左，原來佢一直等緊我地。 我地住的酒店係五金舖上面，網評話呢間酒店幾好的，除左一早會聽見打鐵聲。有關酒店的故事，待會再續。 放下行李後，我們便去明洞。去明洞第一時間就係要去唱錢。之前上網睇，話明洞附近有一間兌換店很抵的。明洞下車6號出口，然後行到去一間國際學校/領事館，隔離就係 (我都係上網搵)。機場兌140，呢間兌144。兌完就開始SHOPPING，離不開都係掃化妝品，護膚品。之前有人話明洞附近有文具店可以搵到RUNNING MAN 既TAG，最後我都搵唔到：（ 行完仲有時間去首爾塔（其實已經累到不行了），因為我地係明洞見到首爾塔以為很近，咁我地就行上去。行到咁上下問人，可能又因為言語不通的關係，我地被指上南山@..@上到南山我地又再問人，親愛的，他們指了反方向。我地行到咁上下，發現離首爾塔看似這麼近那麼遠。決定走回頭。噢~~~~~~點解由山上望去下面會有個纜車站………(後來才發現他們的纜車並不是我想像的一回事)。其實可以行上首爾塔的，都係留返下次先喇。 (路途中又再塗鴉) (南山~好多人跑步) (夜境) (I LOVE U TOO) 因為之前並不是安排今天上首爾塔*的，所以我忘了帶鎖頭：（不過唔打緊喇，最後個鎖頭都鎖住左係男友既喼度XD一樣姐。但值得一提的，首爾塔值得去的，因為觀景區附近真係好多鎖，哈哈!而且風境真係靚的。可惜我同男友都好怕凍，吹到面皮都甩出黎，行左行就走左了。 寫到呢度，我發現行程真係好FULL。其實之前去旅行都離不開飲酒賣醉。可能之前去親都太HEA。難得男友放假，又第1次去韓國，所以PLAN得OVER左 行程尚未結束，我地夜行東大門。我覺得東大門D野好貴呀，我會覺得U:US會比較好行。都幾特別既，夜晚開既批發商場，而且都幾多人會集運返去內地。我最後無買野，但我十分鼓勵男友去買，因為韓國衫著完會似韓仔麻..嘿嘿。順帶一題，呢排韓仔都好興西裝褸加吊腳褲。而且D女仔驟眼見都幾靚女丫，都唔係話好差姐，而且皮膚真係好好，我同男友都好有同感。不過，我男朋友似乎對於韓妹們著短裙好有意見，佢唔明點解咁凍都唔著番條褲。最後由東大門坐的士番酒店用左4,000W (呢間都唔錯) 太好了，今日終於完結。噢，未完~! 因為我地間酒店房熱到似焗爐! 暖氣關不了，窗又打唔開。最後要係下面LOBBY搬個風扇上黎吹@..@所以呢間有窗但開不能的酒店，訂前請三思~WOO~
