Day 5 - 搭特色列車由布院之森去由布院 今朝早左3個字左右落樓下食早餐, 費事好似尋日咁趕頭趕命 可以影返張早餐相 之後輕輕鬆鬆咁行去搭 由布院之森 呢架係特色列車, 我地已經急不及待要探索架車啦 =P 就貼幾張車入面既相啦 首先有個buffet bar 有由布院既特產 仲有手信 附近亦有介紹由布院既corner 手作仔顯得有心思同誠意好多 當然唔少得印印仔區 搭特色列車唔少得要扮車長同佢地個牌影張相記念 因為有埋我FD, 我就只crop個牌出黎 影影下相, 睇下風景, 傾下計, 時間好快過 中午前到左由布院啦 車站外 出發遊由布院啦 我地第一站又係搵食 =P 要去搵由布院好出名既B-Speak cake 聽講好早就賣晒, 特別係small size 沿路都見到有人拎住B-Speak袋, 好心急呀 終於到啦, 呢個係門口 Small size果然已經賣晒.... 咁我地2個人買一卷大既 因為我地肚餓, so諗住即刻KO佢 下圖就係真身 美中不足係竟然冇附上叉, 我地又冇拎餐具... 我地唯有用手食 =.= 越食越凍, 凍到僵晒...個度真係好空曠又大風...>W< 講返件CAKE, 網上面講到好誇張架, 講咩係食過最好味既蛋糕, 好味到此生難忘等等 我地預左呢D Comment中一定有大量水份, 信唔過 我地食後感就係都算滑, d cream唔"留", 但冇好食到咁誇張, 食過就OK 凍到僵之後就繼續行街 條街真係幾多得意野睇 但因為件cake未滿足到我地既胃, 所以又去搵食先 最後揀左呢度 我地點左聽講呢度好出名既地雞set 食完覺得...有咩咁特別呀.... 醫飽肚就可以繼續行街街 以下係其中一D鋪, 全部都幾有特色 首先有Snoopy cafe 玻璃屋 Bee Honey 呢個有成兩層既屋仔, 出門仲有架呠呠車, 車入面其實仲有隻熊仔 初初仲以為呢間應該係賣公仔個類產品 點知係賣水晶 =.= 行行下有個分支, 就係以下呢條village 裡面又係好精彩 黎D相先 Alice's Tearoom裡外都好靚 出面好多細鋪好似呢間咁 仲有動物tim 羊咩咩 可愛兔仔 行完呢條咁可愛既村仔, 又出返出去繼續睇野 見到有間昭和館, 展示D舊物件, 幾有趣 可惜要入埸費, 所以係出面睇下算 點擊圖片放大 行行下見到有檔賣雪糕, 忍唔住買左綠茶味食 個樣一般, 但味道唔錯 之後見到有間自動車博物館 所謂博物館, 其實都好細間, 但又入場費... 我地又係出面影下算 點擊圖片放大 行到呢度已經差唔多係條街既盡頭 咁岩想去洗手間, 而最近既洗手間又係金鱗湖個邊... 唯有過去啦... 去完就睇下個湖啦... 唔知點解出名...一眼睇晒...當初決定唔睇係正確 個湖細到呢...周圍既風景又...平平無奇...完! 話說睇埋個湖都係差唔多3點, 但我地reserve左5點幾個班車.. 唔想浪費時間, 所以去左車站睇下可唔可以改 咦! 3:50 個班又有位WO, 咁我地就改早左一班車 係手信店閒逛左一陣就夠鐘上車啦 嘩!一上車好驚喜! 同我地去程架車係唔同架, 呢架懷舊有FEEL好多 真係好彩改早左一班先搭到呢架咋 點擊圖片放大 6點左右返到黎博多, 直接就去搵屋台!! 話說博多屋台都好出名, 好多人都會去一試 咁我地根據網上資料去中洲一帶去搵 行左好耐好耐, 但只係見到幾間屋台 而當中亦搵唔到呢D屋台有賣人地推薦既名物 =.= 諗下諗下屋台一串野都幾百YEN...慳皮既我地決定唔試lu.. 轉戰去..松屋 食飽飽之後見到附近有激安殿堂!! 又忍唔住去睇下 竟然係入面俾我發現LINE產品...而個度買滿5千YEN有得退稅... 又誘使我購物...好辛苦咁買滿5千 拎住一大袋野返酒店, 咁就結束今日行程 雖然試唔到屋台, 但今日整體都唔錯 =)
