Day 2 - 喪買大出血日 話明鐵路喪買之旅, 鐵道同購物係今次行程兩大重點!hehe 而Day 2 既行程當然就係......Shopping啦!!!! 其實事前我地係諗好左先購物後觀光呢個策略既, 咁觀光時就唔會心掛掛 咁講返當日一朝早我地就check out 東橫INN 之後就去Dormy Inn check in 放底左行李, 我地就搭hotel shuttle bus 去返博多車站 (其實唔係好遠, 行都OK) 行程前, 我地買左福岡City Pass (820 yen) 呢個Pass包JR同市內巴士 詳情: http://www.fukuoka.com.hk/archives/1004/ 而買左呢個Pass當然就係包去到我地今日既目的地 Marinoa City Outlet 跟住掛住Shopping都冇咩影相 =P 餓餓地我地就係Outlet食左野先 我地揀左賣魚生飯既 雖然影出黎麻麻, 但味道唔錯 =) 肚子好滿足之後就有Power繼續Shop!! 其中見到波鞋Outlet 真係令人瘋狂, 真係好平 而上面張相上面既波鞋全部都係斷碼款, 價錢有D唔止半價 我就係呢個架揀左呢對, 最愛既PINK PINK 價錢都係2100 YEN 咋, 好抵!!! 除左波鞋, 我地用左最多時間係Earth Music逛, show passport 仲額外8折 個度件件衫都咁靚, 好難揀囉^^"" 好啦, 以下係戰利品 係咪好節制呢 =P 滿載而歸後, 返去博多市中心 用左咁多體力當然要補充下 揀左食一風堂, 係HK唔捨得食, 終於第一次黎博多試左啦... 但D麵偏幼, 麻麻地鍾意 食飽飽唔代表呢日行程完 我地再接再勵行埋天神地下街 不過之後幾日有時經過又都會行下, haha 以下係地下街既戰利品 完成是日購物環節, 我地就趕返去浸溫泉! YEAH! 我地住dormy inn目的就係浸溫泉同埋...Day 3 就會知, hehe 浸完溫泉成個人舒服晒! 跟住又食拉麵!冇錯又係拉麵!dormy inn既特色就係包宵夜拉麵 大滿足就返房就歎埋甜品畫上完美句號 PS 貼埋房既相先
