改變從來都唔係一件易事。男人今日去咗一間轉營得唔錯嘅茶檔食個晏。茶檔位於橫巷盡頭，但一啲都唔難搵，因為佢地攞咗幾張拜神摺枱，好易認。有戶外男人多數坐戶外，係門口吹住秋風嘆杯啡，望住食客進進出出，又係扮吓文青嘅好時候。係摺枱同鐵櫈嘅紛圍帶動下，男人再一次無叫文青最愛嘅全日早餐，而係點咗快餐A同叉燒滑蛋飯。快餐A係芝麻醬雞扒飯阿姨一放底個餐就拋低咗句「噤大塊雞扒，淨係食塊扒都抵喇」，男人聽到哩句個刻覺得好有親切感，茶檔就係需要阿姨哩種麻甩感。我應咗阿姨一句就開始食。雞扒煎得好靚，外脆內嫩又多汁，好扒。日式芝麻醬點會有得輸，男人都未聽過有人唔鍾意哩隻醬。飯就真係令男人打得下個突，佢個飯唔係硬到咬唔到，係濕到有得啲似爛飯，連芝麻醬放落口，真係巴西很潮濕。阿姨你講得好岩，真係食塊扒就夠。叉燒滑蛋飯個飯又正常返啲，叉燒正常似普通燒臘舖貨仔，滑蛋正常無特別，最特別係個幾塊椰菜，係個飯入面椰菜從來都唔係主角，但你哋可以整到男人要寫出嚟留個紀錄真係唔講得笑。啲椰菜整得好難食，口感淋到爛得嚟仲要有苦澀味，能夠煮椰菜煮到噤，男人覺得都係一種成就嚟嘅。牡丹雖好，都要綠葉扶持，臨時演員都係演員嚟。本身唔太出色嘅叉蛋飯就噤俾幾塊椰菜拖入十八層地獄。哩間茶檔嘅感覺係新舊交替中，賣雞蛋用嘅紅罩燈膽加長bar 枱，木摺枱加綠鐵櫈，裝修佈局好努力糅合老式茶檔同精品咖啡店。男人希望佢地廚房都會同樓面一樣與時並進。P.S. 杯啡沖得唔錯，好飲，值得一試。📍#男人atsaiwan#hkfood #hkfoodie #hongkongfoodie #hkigfood #foodieshk #foodhkg #foodhk #香港美食指南 #香港美食
