傷風一定會流鼻水,哩個係宿命。噤要排隊我諗都係一間好嘅文青咖啡店嘅宿命。男人今日就罕有咁排隊等入座做文青。 不過男人都係甩唔到麻甩嘅底蘊,無點全日早餐,叫咗個#黃金魷魚 同 #龍蝦包。 龍蝦整得脆口得嚟唔會柴,同白色醬汁做得好冶味,兩樣夾埋一齊真係好好味,仲有薯條伴碟,成個美式感覺返哂嚟。 通常唔新鮮嘅食材先會用一個濃味嘅煮法去掩飾,哩到啲魷魚叫新鮮,個鹹蛋黃醬撈得岩岩好,唔會太鹹,可以食多幾條。 男人嚟得扮文青點會唔叫杯啡嚟飲,仲特登叫咗個牛角包襯一襯沾一沾啲文青味。 哩間文青咖啡店攞位唔錯,令你有舒適嘅空間,而犧牲嘅就係你要排長龍囉。不過做得文青又點會怕排隊呢!📍#男人atTKOP.S. 今次被安排入座單邊窗口位,坐係到呆望外頭萬里無雲嘅天空,人來人往嘅街道,哩種寫意,我諗就係吸引人加入文青嘅行列。#hkfood #hkfoodie #hongkongfoodie #hkigfood #tkofood #tkofoodies #tko #將軍澳美食 #將軍澳 #foodieshk #foodhkg #foodhk #香港美食