上次講左一間好貴既 Lush Spa，今次想介紹返一間比較優惠但環境都好舒適既店- 中環既＂古法足道＂。聽落都知佢係主要做傳統中式既推拿。 好記得第一次去時我嗰膀頭好似放左木板咁，硬到呢! 簡直好似再唔按就變肌肉硬化咁。間鋪都唔難揾，戲院里出口，向士丹利街嗰方向行少少上山。（原來搬左，請google 揾返佢地既地址~） 老闆服務幾專業，態度好好。店內環境偏暗，用深色木加中式椆刻，感覺唔會cheap，雖然價錢算幾實惠。一出Lift 就黎接待counter，counter 後面就係大既空間做足部按摩，圍住有7、8間房。我揀左足底按摩＋頭肩頸。用既係男師傅，佢好夠力！按D位又下下都中！好勁！ 同場都見到其他客人按按下腳瞓著左，相信其他師傅都好唔錯。程序同正常一樣，先浸腳。浸既同時就按頭肩頸。 我最最最中意+欣賞呢間鋪既一樣野係---按完肩後會有嗰熱頸枕"Fu"住嗰膀頭，真係唔係講笑，好好好好好好舒服。平時按完D肌肉好快會反彈變返硬，但用左熱"Fu"之後，D殭硬既肌肉會維持軟既狀態，所以after effect 係比其他按摩店黎得持久。 同埋呢間店有好多遊客，所以其本上所有師傳都態度好好，聽講如果客人唔記得帶遮，老闆直情會俾一把你。 總括黎講，環景唔錯，態度好，價錢實惠~ 最緊要按完有After Effect！ 去過幾次，試過唔同既師傳都幾唔錯。(其實第一次個師傳最好，但我唔記得佢叫咩名!!!) 值得去~
