Day1 今次旅程可以話係人生中第1次自由行，過往同屋企人去每次都係跟團(家人鐘意無法...)但在我以言旅行團完全唔係我的style，我唔鐘意走馬看花，我希望每次旅程都可以自由自在，從心出發，隨心所欲去感受外地嘅生活！而今次嘅台灣行係前年暑假嘅事(2012年)，當時嘅我仲讀緊Year1，心諗暑假這個term已經進入最後倒數階段，畢業後就好難再有咁free的日子，所以就下定決心同一個好友齊齊出發去台北玩一轉！ 4日3夜嘅行程，我搭嘅係華航，早機去(8點幾)，晚機返(10點幾)，真正玩足4日！而我哋3晚所住嘅酒店， 就係捷絲旅西門町館，位置超級方便，西門站4號出口行一段好短嘅路就到，而且同西門町只係一條馬路之隔XD 11點都未到已經由機場搭巴士(機場內有多間巴士公司辦嘅巴士可以去市區，問清楚目的地買票上車就ok)去到酒店，放低行李就即刻走去西門町遊盪，西門町比我嘅感覺其實幾有MK feel，不過係果度買嘢嘅時候已經正式開始感覺到台灣人嘅好客同熱情，無論係繼光香香雞定樓上嘅百貨公司，每個員工都好有禮貌，亦知道客人嘅需要，真正嘅好客之道咪呢d囉，作為香港人確實應該自己好好反省下... 行到下晝5點左右，就搭捷運(記得買定悠遊卡)去市政府站，跟住搭巴士去101大樓！中午果餐掃街解決左，晚餐就係101嘅food court解決，係其中一間叫左個牛肉麵，預左呢間一定唔正宗，不過第一日本身無諗住特別要食d咩，所以就無所謂啦，個麵其實唔差，而且菜多幾健康，不過個麵最搞笑嘅係塊魚板竟然係個笑臉，搞到我真係唔捨得食啊哈哈，一碗普通嘅麵因為一個笑臉而變得唔普通XD 好唔講個麵啦，食完之後係入面係咁買嘢之後就準備登頂啦！ 101大樓(由下面正門望上去) 101層咁高，以正常部lift嘅速度肯定有排都未到，不過101大樓部lift係號稱全球最快嘅lift！ 果然，一分鐘都唔洗就由低到左頂，WOW！ 因為夜晚嘅關係，而且當晚有落雨，個景就唔太清楚，所以d相就唔up上嚟啦，今日嘅行程亦結束，待續...
