『想係instagram都可以追蹤嘟嘟妹！？』 【號外】☞ 嘟嘟妹香港篇嘅資訊會主要會以Instagram發放：dodomei_travel ^^ 而旅遊篇會集中係呢個Blog到發怖～～ 平時放假只係想係間坐得舒舒服服嘅Cafe/餐廳同朋友見下面？ 難得放假不如去遠少少比個人放鬆下啦(*´∀`)~♥ 係咪好奈無去過大澳呢 ❢交通方式❢ 如果大家想去大澳，記得係東涌巴士總站入面搭11號巴士，需時50分鐘。 票價：$11.8 （mon-sat) ; $19.8 (sun) 所以星期六去大澳真係比星期日抵好多乁( ◔ ౪◔)「 去到大澳有咩位可以打卡？而家嘟嘟妹就提供幾個地方比大家影下相～ 1.大澳漁村橋 ✿一落車沿住小路入村，就會見到係大澳最出名嘅橋，係個到可以睇哂成個大澳嘅景色～ 2.著名炭燒雞蛋仔 ✿過完橋您會見到一個類似街市嘅市集，行到盡頭轉左就會到達小型大澳街市，你就會見到有一大條人龍排緊隊～原來就係大澳最出名嘅炭燒雞蛋仔，原來炭燒出黎嘅雞蛋仔又真係皮脆好多～入面又軟林林！ 3. 大澳喵村 ✿食完小食之後沿住海邊行會有好多唔同嘅小屋～個到有好多喵仔聚集係到！重有個有心人將一間屋畫成喵屋～所以愛喵迷就唔好錯過❛◡❛✿不過記得唔好嚇親佢地～ 4.古早味糯米糍 ✿去開大澳真係唔可以Miss左呢間好好食同埋人手整嘅糯米糍~佢係喵村入面~係一間好唔起眼嘅鋪頭^∀^但佢嘅花生糯米糍係勁平勁多花生～重要好快比人買哂！ 5.大澳酒店旁的海邊 ✿食完糯米糍就可以直行過去海邊～其實大澳都係一條路直行！所以嘟嘟妹都唔特別去整個地圖出黎～沿住條直路您就可以見到哂嘟嘟妹介紹嘅所有鋪頭同打卡景點，呢個海皮又真係又舒服又靚～夏天黎重會見到有人捉蜆！ 6.大澳零難度山路 ✿ 大澳其實同東涌好近～所以如果你由少林寺旁嘅樓梯行上山～就可以遠晀到機場同埋港珠澳大橋～甚至可以將呢條大橋作為背景影到將勁靚嘅打卡相～ 7. 暫時補充體力嘅亞婆豆腐花 ✿行完山緊係又累又餓～緊係去番大澳大街到食番碗豆腐花啦～呢碗豆腐花可以自己加糖加薑水～重點係$13完全唔貴～又有得坐又有得食邊到搵喎～ 8.東涌食番個$188任食靚牛同Movenpick雪糕號晚餐畫上完美句號～ ✿大家坐番車出去東涌市中心緊係會累～通常都想係東涌個到食～但通常都怕貴！但呢間勁高質嘅鋪頭只需用$188就可以食到勁靚油花嘅豬同牛～重有得食Movenpick雪糕！飲品都係韓國最新嘅飲品～重點係呢間嘅staff服務勁好～加肉加湯快到核爆！所以如果想食個完美晚餐就可以簡呢間食啦～ ❦店鋪：鍋處 ❦地址：東涌達東路20號東薈城名店倉3樓317號舖 ≡≡≡≡≡≡≡≡≡≡≡≡≡≡▶▷►◈◄◀◁≡≡≡≡≡≡≡≡≡≡≡≡≡≡ ʕ•ᴥ•ʔ ：多謝你地花時間睇我個Blog❤ 希望大家都可以成為嘟嘟妹粉絲！ 嘟嘟妹Instagram ❦名稱：dodomei_travel ❦網站傳送門：https://www.instagram.com/dodomei_travel/ 嘟嘟妹Facebook 【新開的！！】 ❦網站傳送門：https://www.facebook.com/dodomei_travel-106462084300348/ ∴°﹒:+:-*-*-*-*-*-*-*-*-*☆★☆*-*-*-*-*-*-*-*-*-*-*-*:+:‧°∴ 嘟嘟妹都歡迎任何形式的合作！ʕ•ᴥ•ʔ嘟嘟妹：「一定會做得好的！」 ✦聯絡：Facebook/Instagram Inbox ✦Email: Traveldodomei@gmail.com
