Aeroflot係去歐州嘅窮L恩物, 而響莫斯科嘅停留時間如果夠長又係日抖(最少5-6個鐘喇)係可以出市區與兜返轉! 今次我搭歐州回程經典凌晨5點幾到下晝7點幾走, 有14個鐘冇理由唔出去! 好靚呀真係超值得去! [ 簽證 ] - 俄羅斯係特區唔使簽, BNO要既地方. 所以諗住用BNO入歐州都要帶埋特區, 除非錢多. 台灣既朋友要簽證. - 我係用BNO出入歐州, 特區出入俄羅斯, 大致順利. 係入境佢望咗陣明明歐州飛黎但有冇歐州印, 但check埋有機票就放行. 當然用哂特區唔會有呢個擔心, 有得揀既咪自己揀. - 放行會有張入境紙, 千祈唔好唔見 [ !!!重要考慮!!! 天氣 ] 夏天就輕鬆既, 冬天就要諗清楚帶唔帶得夠衫出去做西伯利亞人 [ 唱錢 ] 市區價就好d既, 但都要錢出機場, 而且好似我星期日去市區找換店都未必有開,唔多錢都可以機場算, 唔好煩, 用淨歐羅英鎊美金都ok (~ HKD1 = RUB7-8.5). 至於幾錢先夠真係好睇人喎, 我都只係唱咗€20既RUB, 可以唔使好多錢的 [ 機場(SVO)出市區交通 ] 唔建議: 機場鐵路(aeroexpress)-又貴又等得耐又行好遠, 係車程短同唔塞車(RUB470single/ RUB940round; 30-60min一班; 拖住行李行2-3個terminal@@; 35min車程) 搭到Belorussky Station(Белорусский вокзал) 轉metro Belorusskaya Station (Белорусская)出市中心 (metro RUB50) Total: RUB940+50+50= RUB1040~ HKD139(:7.5) 建議: 851巴士-又平又快有車, 個站又近, 係車程長少少同可能塞車(RUB50single/ RUB60:90min內一程巴士加一程metro); 9-30min一班; terminal B,D,E,F門口就有站; ~40-50min車程) 搭到總站轉metro Rechnoy Vokzal Station (Речной Вокзал) 出市中心 Total: RUB60+60= RUB120~ HKD16(:7.5)/ 巴士未必有RUB60飛:RUB50+50+60=RUB160~HKD21(:7.5) HKD139 VS HKD16/21 !!!!!!! 白色飛係單程公共交通(metro/巴士etc); 紅色係90分鐘內metro轉其他交通公具(巴士etc)or調轉點擊圖片放大 +2 [ 學生 ] 記住帶國際學生証ISIC, 景點平超多 [ 溝通 ] 唔好諗住佢會識英文, save定d俄文名/圖用手指會安全d, 要講野都盡量單字 [ 詳細建議行程 ] { 出境 } 首先, 響出發地check in時會拎到哂兩程boarding pass. 由於行李會直去終點, 所以要響俄羅斯用既野唔好寄倉. 去到俄羅斯去排出境, 唔係轉機, 寄倉行李唔使拎 { 去metro } 通常都係DEF terminal, 出門口巴士站搭851號到總站, 跟人直行少少轉右, 就係metro Rechnoy VokzalStation (Речной Вокзал)站[metro map:綠圈], 巴士上車同司機買飛 { 莫斯科地鐵 } 出哂名靚, 有地下宮殿之稱, 太早冇力其他野又未開, 最啱遊下車河, 雖然幾乎全俄文, 不過唔使驚, common sense就ok,唔難的 推介路線 + 重點參觀站 (螢光粉->紫), 逐個站落車慢慢睇, 其他站都可以睇, 自行增減 點擊圖片放大 +7 { 克里姆林宫 The Moscow Kremlin Московский Кремль} 星期四唔開 Metro Biblioteka imeni Lenina (Библиотека имени Ленина) [metro map:紅圈] 出就係售票處[平面圖大概“CR”個位], 無論上網買定飛定去到買都要去售票處出飛, 建議上網買定, 排短d隊之餘匯價好可能好d兼可以唱少d現金, 而且指定節數既飛會賣哂 飛有5隻 - 教堂廣場建築群通票（不含伊凡大帝鐘樓）--- 必買,睇教堂周圍行, 標準野,星期六12點送操兵你睇 全票:RUB500~HKD67(:7.5) 學生(ISIC):RUB250 小童(<16):免費 - 伊凡大帝鐘樓門票(指定節數) --- 唔貴, 有時間有腳力可以一睇, 要行樓梯 只限14歲以上:RUB250~HKD33(:7.5) - 兵器庫參觀門票 --- 唔平, 裏面主要係金壁輝煌既宮廷用品博物館, 睇時間興趣 全票:RUB700~HKD93(:7.5) 學生(ISIC):RUB300 小童(<16):免費 - 臨時展覽門票 - 莫斯科克里姆林宮音樂會門票 如果去兵器庫[平面圖#1]就響[平面圖#20]入, 唔去就[平面圖#16]入, 響[平面圖#31]出, 直出紅場, 一出就係洋蔥頭教堂 中文 http://www .kreml.ru/zh-CN/visit-to-kremlin/ticket-prices/stoimost-vkhodnykh-biletov/ 英文(+上網買飛) http://www.kreml.ru/en-Us/visit-to-kremlin/ticket-prices/stoimost-vkhodnykh-biletov/ 點擊圖片放大 +3 { 聖瓦西里教堂/洋蔥頭St. Basil's Cathedral Храм Василия Блаженного } 星期三唔開 現場排隊買飛, 一定要入去, 裏面超靚, 影外觀可以圍住行多幾步, 唔同角度影到唔同塔頂 全票:RUB350~HKD47(:7.5) 學生(ISIC):RUB100 小童(<16):免費 點擊圖片放大 +7 { 紅場 Red Square Красная Площадь } 洋蔥頭出面空地就係, 克里姆林宮出門口計,牆邊係列寧墓, 前面係國家百貨, 右面係洋蔥頭, 左面係國家歷史博物館 { 國家百貨 GUM ГУМ } 豪華百貨公司, 主要賣名牌 天井有小食車, 呢個開心果雪糕好好味, 只係RUB100~HKD13(:7.5), 食咗2個哈哈 地下有超市, 都唔貴可以買下野食手信, 熟食可以免費叮返熱, 我買咗個飯, 都OK, 快快地淺嚐吓俄國風味, 因為根本冇時間慢慢fine dining 點擊圖片放大 +6 { 國家歷史博物館 State Historical Museum Государственный исторический музей } 冇時間冇與趣, 影張相is ok { 莫斯科大劇院 Bolshoi Theatre Большой театр} 芭蕾舞同歌劇殿堂, 夠時間可以行埋, 我趕得濟唔記得去… 圖: http://www.jackdevant.com/bolshoi-theatre-moscow/ { 回程 } Metro Teatralnaya (Театральная)/ Okhotny Ryad (Охотный Ряд) 地底行去Teatralnaya (Театральная) / [metro map:藍圈] 求其一個站, 響counter買90分鐘飛, 搭返Rechnoy VokzalStation (Речной Вокзал), 行過對面巴士總站用返同一張飛轉851巴士, 中途有其他車拉客唔使理. 預多d時間塞下車, check定邊個terminal唔好落錯 { 出境 } 佢個設計出境 counter 響 check-in counter後面, 唔好傻傻的去排隊, 你幾十個鐘前已經check咗in. 摷返張boarding pass出黎直接爆過去過海關就可以等上機 { 條路線大概就係咁 } 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/
