#2/11/2014 #Samcheong-dong, Seoul #Bukchon, Seoul M: Line 3 安國 由昌北宮沿住宮牆一路行就到三清洞附近喇, 如果搭地鐵就安國站落。 三清洞係個好悠閒, 令人感覺好舒服既區域, 比較郊外既感覺, 好多特色小舖, 重點係唔貴。 最掋係買襪!! 最平係出面既一半價錢￦500! 唔使4蚊港紙! 包出血! 沿住建議路線(反方向)行上北村山上面, 望返落黎風景都唔錯。 北村以前係兩班貴族住既地方, 保存咗好多傳統既韓屋。 一直行就會到影相熱點, 嗰條兩面韓屋既斜路。 不過嗰度影相都唔易呀, 好多人之餘, 仲好易會一面好光一面好暗, 如果真係aim影相既話, 中午比較好, 不過仲要睇你怕唔怕曬喇, 冇乜陰頂㗎。 再行就係昌德宮喇, 不過我去到已經收咗檔, 想去記住睇時間呀! 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/
