#Prague, Czech #25/06/2013 千辛萬苦終於涯到去布拉格, 好凍! 響個火車站拖喼去hostel, 碎石路加落雨, 明明唔遠都好chur。 安頓好就去唱錢食野, 食咗個幾好味既kebab, 跟着就去城堡。 Metro line A: Mustek -> Maloatranska metro station 淨係得入coins既ticket machine, 入閘位個客務中心係唔賣飛既, 吹漲。。。原來要響書報攤買, 行返出站揾, 好彩唔遠就有, 但佢淨係得90min冇30min賣。 其實30min都好夠用, 冇乜機會去過30min咁遠既地方, 亦都唔會90min就回程, 但費事煩又唔係差好遠就即刻買定幾張。 布拉格地鐵飛用到大概有3種, basic 90min CZK32, short term 30min CSK24, 1day CZK110, valid時間內可以任搭市內交通公具, 包括tram, bus , 纜車etc. 地鐵站係開放式, 響你走入收費區前你就要帶住valid既車飛。第一次用嗰張飛既時候要將張飛塞入黃色機打日期時間, 張飛先係有效, 亦都開始計時。 記住拎住張冇validate既飛係同冇飛一樣咁罰。地鐵到站係要自己㩒制開門。 點擊圖片放大 +3 Tram 22: Malostranska -> Prazky hrad 搭搭下發現架車過左河, 即係我搭錯方向。。。佢d車冇乜指示, 本地人英文又唔算好, 基本上好易搭錯車。 落車轉返對面既車。 唉呀呢架新車有曏示板, 捷克文都好吖! 去到castle凍到short咗, 諗住落雨對鞋又未乾就著短褲拖車, 衫都唔算少, 已經hoddies加褸, 邊會估到南下咗會凍好多既啫, 唔係應該暖咗㗎咩? 歐洲天氣真係好難捉摸。 去第一個pt間教堂行行下發展唔見咗張飛。。。勁down。。。走去買過張去其他pt。 不幸中既大幸係我只係跌咗張75蚊港紙既飛, 唔係passport銀包。 唔知係咪心情唔好, 加上又凍又眼訓覺得個城堡都冇乜特別, 個黃金巷叫好d。 點擊圖片放大 +18 行返落山冇搭tram, 費事搭錯哈哈。落咗山去睇埋聖尼古拉教堂 Tram 22: Malostranske namesti -> Malostranska Metro line A: Malistranska -> Mustek 本身plan咗去Petrinske sady佩特任公園坐纜車上山睇風景(tram: Ujezd), 但天氣真係麻麻, 個人又好攰, 衣著又錯(其實響歐洲咁耐冇乜邊日著得好啱。。。), 所以返去就算喇。 響超市買餸發現雞心超平, 香港冇乜可能食到咁多, 決定犯罪一下, 炒我最鍾意既黑底磨菇, 磨菇又係超底食, 重點係可以買一粒都得唔使成包。本身諗住買奶飲奶茶, 點知買錯咗酸奶。。。我唔識捷克文吖嘛。。 捷克啤酒咁出名當然要參觀下啤酒架, 除咗一箱仲一桶lol。 d雪糕都好得意, 總係覺得個膠盒會漏。 最值得欣賞既係一個動物組織既籌款箱, 係一隻好cute既狗公仔, 頭頂有個癃俾人入錢, 捐錢都捐得開心d。 點擊圖片放大 +4 **多謝大家嘅支持！Follow我嘅blog, Like埋我嘅fb page呀！ 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/**
