#Warsaw, Poland #21/06/2013 響火車醒咗個呀叔就話可以繼續訓, 因為先前德國水災d路未好哂, delay 3個鐘。。。 車程由差唔多16個鐘變咗19個鐘! 好彩都唔算太難涯。 終於去到東歐, 終於去到唔多人去又冇乜旅遊資料既波蘭。去到華沙又係最煩既車飛問題。 原來delay over 120min可以退50%錢, 即刻gur好多, 大陸飛機應該學一學。去service centre排隊, 不過退一半錢嗰張應該係仲響屋企嗰張, 而佢一定要hard copy, 冇得搞住。 拎rail pass諗住做埋reservation, 點知淨係收波蘭錢又未唱, 淨係activate咗張rail pass... 陣間又要返過黎。。 去咗hostel先,有d迷咁企咗響條街度, 好快就有個靚仔停低單車幫手。 我冇行錯路㗎, 係因為起地鐵封左幾條大路搞到有d難揾。 擺低d野去唱錢, hostel教我去嗰度個價好車站嗰頭好多, 好彩冇響出面唱咋。 有乜不妨多d問下hostel staff, 通常都會樂意幫你。跟著又返出車站, 響service centre㩒完張飛唸住去排下櫃檯試下會唔會快d。 排到去點知同個嬸嬸雞同鴨講, 有個排緊隊既女仔主動走過黎幫手翻譯, 超級好人。 不過個呀嬸都係唔識, 懷疑佢未見過rail pass。 個女仔幫完我冇順便買埋飛而係行返去排隊, 非常欣賞。 雖然波蘭唔算有錢, 但呢d咪係人民質素囉。 counter搞唔掂就衝返service centre, 好彩個籌未過。 今次個女仔好人好多, 好順利搞掂d野, 不過咁就大半日。 點擊圖片放大 +3 行下車站附近, 去睇下當年共產黨留低既文化宮, 途中不斷勁行雷但唔大雨。 未夠鐘食晚飯又去唔遠就去行商場。 好耐未試過見到價錢咁開心, d野仲平過香港! 即刻食咗個fo yo, 好爽!好滿足! 點擊圖片放大 +2 行到差唔多就行去hostel個staff介紹既波蘭菜試下, 係一間叫Zapiecek既連鎖餐廳, 華沙唔少遊客區都可以見到。 黎到平既地方要食餐好既地道嘢獎勵下自己。間嘢裝修都幾有特色, 連d staff都著埋靚靚既東歐裙, 係絕不地踎既格局, 仲有英文餐牌。 嗌咗菜肉餃子同beet root soup。 菜肉餃子有d芝士餡, 都ok。 beet root soup係超級好味! 如果唔係超級飽我懷疑會encore。重點係響遊客區食格局唔差既晚飯, 又冇省住嗌都只係70蚊港紙度, 已經飽到反艇, 真係超開心。 點擊圖片放大 +5 **多謝大家嘅支持！Follow我嘅blog, Like埋我嘅fb page呀！ 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/**
