#GoldenCircle, Iceland #15/06/2013 今日去Golden Circle day tour，有車去hostel門口接真係好。 首先去左個地震展館，豐富既地熱背後，背負住地震同火山爆發既危險。 去左一個叫Kerið既火山口湖，第一次企到火山口邊，雖然唔大但都幾特別。 再去睇咗個細細地既瀑布之後去Haukadalur geothermal area。嗰度有好多位地下會出煙。而最大賣點一定係Strokkur。Strokkur係一個天然噴泉，嗰度地下有個癃，每幾分鐘會出現一個淺藍色既半球，再一飛衝天將好熱既泉水噴上十幾二十米高。感覺真係非常震撼，簡直係世界自然奇觀。我去專登霸個對正既靚位一路食lunch一路睇。再睇多幾次開始睇住d人要行去個勁近既下風位影相，又要走避不及成身濕哂，真係好好笑。 點擊圖片放大 +2 去Gullfoss大瀑布，水流唔算好勁，但就有好多層，後面遠處仲有雪山，好有山水畫既感覺。 最後一站係Þingvellir National Park，係美洲板塊同歐亞板塊既交界，不過係做唔到一隻腳踩一邊，另一隻腳企另一邊，因為個高度都差幾多，跳落去死梗嗰d。 點擊圖片放大 +3 返去焗我地期待咗好耐既羊脾，仲買咗兩隻唔同既冰島啤酒呢試，都幾好味。 點擊圖片放大 +3 **多謝大家嘅支持！Follow我嘅blog, Like埋我嘅fb page呀！ 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/**
