#Scottish Highlands, UK #12/06/2013 黎之前就已經bk定今日day trip去Highland同尼斯湖，即日來回去尼斯湖其實都要坐幾耐車，冇辦法喇，省時間省錢。 一早響hostel食埋早餐一行出門口就係gather pt，仲正過hostel pickup哈哈。 途中停左一個地方，嗰度養左隻蘇格蘭高地牛Hamish，隻牛d毛同隻角都好長，個樣有d蠢。哈哈。 再上車繼續，沿途風景好靚，見到好似harry potter嗰d火車橋。我地一路食琴日響超市買既Scottish shortbread，好味！ 去到Glen Coe再停，有好靚既Highland scene，可惜天氣唔太好，落車真係超級凍，估唔到可以咁凍。呢度拍過哈利波特阿兹卡班的逃犯㗎！上車之後再停左個紀念碑 點擊圖片放大 係咁醒下 訓下迷下迷下咁就到左Loch Ness既小村莊Fort Augustus。好好彩突然間好左天，有陽光又唔凍，very nice。今次冇再搭船嚕省錢，響lakes先搭完，都唔會見到尼斯湖水怪㗎喇。行左去湖邊，遇上一班鴨仔跟著鴨媽媽，真係好得意，都代表左呢度既自然生態保存得好好。點擊圖片放大 +2 沿住Caledonian Canal行返入town. 條運河有連續幾個水閘不斷咁運行俾d船上落，d水閘仲可以俾你行上去，真係冇乜機會見。運河邊有好靚既草地，仲有好多小白花。悠閒咁坐草地，原來響涼既地方響陽光下訓草地係咁舒服㗎！不過唔係香港。 點擊圖片放大 +8 返到edinburgh仲諗諗不忘琴日free to take攞既蘑菇，去超市見到d細粒d既諗住省錢大細冇所謂，點知中伏！原來係唔同種，都係黑底白身嗰d好食。 **多謝大家嘅支持！Follow我嘅blog, Like埋我嘅fb page呀！ 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/**
