#LakeDistrict, UK #11/06/2013 成功用人地俾既巴士飛搭落Bowness，架巴士係開篷既，仲有專俾人放單車既位。 Bowness pier就已經係湖邊，有好多好大隻既天鵝。去搭cruise去Lakeside。好多人呀架船，風景都唔錯，不過天色有d昏暗。 落船去坐Lakeside and Harverthwaite Railway，係一條有好長歷史既蒸氣火車線。我地坐嗰架係exectly Thomas，只係冇左個樣。火車入隧道既時候水蒸氣會搞到好仙境。到左Haverthwaite留響站度睇火車入水，睇火車頭個爐，對我地黎好新鮮，未見過d咁懷舊既野。我地冇留低就坐返返轉頭，返轉頭少好多人。點擊圖片放大 +2 坐船既時候好肚餓諗住買野食實好貴，點知£2.5 有sandwich + 成壺English tea，超抵！睇風景飲啖茶，可以扮下貴婦。上岸發現有舖頭賣農場牛奶雪糕，好好味，凍都要食！ 點擊圖片放大 +3 行上Bowness town，途中見到間好舊既石牆木教堂，入左去參觀，簡單的美。 去The World of Beatrix Potter Attraction，不過淨係周圍參觀下，冇入付費區。 Lake district就係Petter Rabbit既故鄉，周圍都好多Petter Rabbit既野。再響個town行下就搭巴士返hostel 住hostel既好處就係in out time唔strict，check out咗張牀都仲可以用common area。返到hostel仲有時間就響common area撻下上下網。 Train: Windermere -> Edinburgh (Waverley) (change：1) dur: 2:29 1706/1939 £9 online advance (ticket collection in any uk train station) 去Edinburgh既火車一路上風景好靚，一路行d lanscape一路變。 Edinburgh真係好靚，成個old town保留得好好。我地冇睇hostel網既指示，睇地圖直接衝去，結果行左條最直接但好chur既路，d路好斜。 時間唔早但仲係好光，爭取時間周圍行下。原來愛丁堡好細，我地響舊城呢邊揾極都揾唔到超市，結果行咗好遠去新城。買咗新鮮羊扒，超抵，好彩未關門。響hostel廚房個free to take兜發現左幾隻白面黑底既大磨菇，煮呢食試下，原來超好味架！夜晚煮餐好飯真係又省錢又滿足。 **多謝大家嘅支持！Follow我嘅blog, Like埋我嘅fb page呀！ 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/**
