#Hong Kong #04/06/2013 期待已久既六四終於黎到喇！六四做咩好？梗係上京喇！我係真係上京架！因為買左最平既國航北京轉機，open jaw來回埋單只係五千幾蚊咋！ 前一晚係學校hall既farewell hightable，亦都係我響呢個住左三年既地方既最後一晚，真係好唔捨得起身離開呢張舒服既牀，呢個熟悉既屋企，不過為左準時出發，要走的始終都要走，都係要死返屋企，返到屋企勁趕，沖完涼執埋野，頭都未吹就衝落樓上表妹H搭黎既的士去機場。真！係！出！發！喇！兩個人極度興奮！ 去到機場話架機delay 40mins. Fine! 40min啫！去到北京咪又係要等。兩個人響機場hea到終於有得上機。以為上到機就會起飛？少年你太年輕了！上到機關埋機門跟住同你講無限時delay。你鸁了。響度坐左好鬼耐，大家開始燥底，呢個時候竟然派飛機餐！有野食好開心？即係有排都起唔到飛呀懵丙！坐左三個幾鐘都話有排都起唔到飛，cancel左班機佢，原因係北京天氣好差。六四．六月飛霜，不過d空姐好平靜話呢班機成日delay or cancel，咁都得真係俾佢吹啤漲。後來知道大陸成日軍事演習，搞到d飛機成日都飛唔到，而北京係全球數一數二delay既機場，真係大陸的會爆炸！ 結果全部人落返哂落機，其他呢個時間應該係響北京落機。。。我地要去機場酒店訓。不過d安排真係好鬼差，全部人企哂響登機口罰企，係因為有d大陸人d證件返唔到入香港，買左好多duty free但又唔帶得返入境。。。咪住！關我咩事先？既然今晚都飛唔到，我淨係想訓覺。 估唔到第一日就響自己家鄉訓左全程最豪華既酒店。希望日快d有機位，之後一切順利喇！ 上機前 vs 地面飛機餐 **多謝大家嘅支持！Follow我嘅blog, Like埋我嘅fb page呀！ 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/**
