返咗成日工個人攰攰地，就決定同男朋友拍下拖，去間舒服啲嘅餐廳chill吓傾吓計。今次我哋嚟咗一間叫做Non Kitchen嘅隱世工廈西餐。餐廳空間好大，檯與檯之間有一定距離，仲有張美式桌球檯，食飽飽玩吓桌球，夠晒chill啦! 見到好多人都係叫二人餐($548)，所以我哋決定…照跟!另外再追加咗個香蒜薯蓉焗田螺 ($128) 凱撒沙律 味道normal，不過佢都幾多麵包糠，好香口，作為前菜幾醒胃 餐包 本身睇食評見好多人推介餐包，我就已經滿心期待，食落果然名不虛傳! 麵包熱辣辣，非常軟熟，搽埋牛油簡直一流，如果可以，我都想買幾個第日做早餐:P 餐湯 雖然啲湯睇落好似兩啖就飲完咁，但其實佢真係好足料，而且所有材料都切得幾大粒，同埋我地都食得出所有食材係新鮮製作，特別係個紅蘿蔔，唔會好似出邊茶記羅宋湯啲紅蘿蔔咁完全冇味。 煙三文魚薄餅 本身睇圖見到菜仲多過三文魚有啲淆底，但男朋友想食pizza，所以照叫嚟試吓，好彩我地個pizza菜同三文魚比例都平均，佢材料有煙三文魚、芝士、沙律醬、蕃茄醬同火箭菜，餅底好薄，焗得好脆 炭燒美國特級牛肉眼扒 炭燒嘅格紋清晰，肉質厚實而不韌，炭燒方法充分鎖住肉汁，肉味相當juicy，配上特製既肉汁，每一啖都令人回味無窮。完全明白點解單叫需要$358，因為真係物有所值!!! 香蒜薯蓉焗田螺 田螺好大粒，但薯蓉我覺得可以結身小小會好D 美人魚 由橙汁、芒果汁同七喜調制而成，味道以芒果甜酸味為主，唔會太甜，感覺好fresh。 血瑪莉 有raspberry, cranberry同男朋友最愛嘅strawberry，雖然多人推介嘅係美人魚，但因為我地鐘意飲濃味小小嘅野，所以我地都覺得血瑪莉會好飲D 白朱古力忌廉泡芙 泡芙入邊有雲呢拿雪糕，加上朱古力粒、Oreo同士多啤梨點綴，味道唔會太甜，好有滿足感 Non Kitchen 地址: 觀塘鴻圖道12精棉工業大廈1樓 評分:10/10 Follow me: Instagram: miki.dreamland Facebook: miki’s dreamlad
