之前去韓國旅行時用過MAC嘅無瑕霧鏡粉底液試用裝,雖然韓國嘅天氣比較乾,但我出完一日街又出咗汗,都唔會浮粉同有粉粒,所以我試完就好鐘意,覺得佢好long lasting,咁啱早排用完一枝粉底液,就係我入貨嘅好時機啦! 依家化妝我多數都會用呢枝粉底液,用佢嚟化淡妝,我覺得可以省卻好多化妝嘅時間,基本上一搽完粉底液,如果痘印唔算太深,佢都可以遮到大部份瑕疵同黑眼圈,令你快速簡單地完成底妝部分,而因為佢個質感好薄,望落可以令人覺得個妝感好自然,所以絕對可以用佢嚟打造偽素顏妝! 而因為佢自然度、控油度同持久度都好高,所以用佢化個靚靚濃妝就最適合不過,佢從來都唔會令我影相有油光,相反佢令我皮膚望落有啞緻嘅感覺,啱晒我呢啲偽韓妹:D 以上純屬個人分享,效果會因人而異。 Instagram: miki.dreamland Facebook: miki’s dreamland